Kreu Blog Faqe 71

Rubio, “bomba” amerikane, kundër NarcoRamës

Nga
Shqiperia Etnike
-
0

Shkruan Basir Çollaku

KM Edi Rama duket se ka siguresë të djegur të qetësisë dhe njëherësh ka të ndezur alarmin e betejës së nxehtë me amerikanët. Ai e di se dosja “Balluku” është njlherësh dosja e tij. Nuk do të mungojë të jetë i pandehur në këtë ndjekje penale të shtuar në dosje. Por partnerët amerikanë uruan shqiptarët në ditën e Pavarësisë sot disi më ndryshe e konkretisht. Ndërsa delegaciini i BE kapërcen ylberin festiv, duke ndjekur fillin e mazhorancës, duk përfshirë shumësin “festa” në kontekstin e ditës së nesërme. Ata shprehen:
“Gëzuar 28 nëntorin Shqipëri, gëzuar Ditën e Pavarësisë. Delegacioni i Bashkimit Evropian në Shqipëri ju uron festa të gëzuara..”
Ndërsa paraardhësi Antony Blinken një vit më parë uronte: ” Në emër të Shteteve të Bashkuara të Amerikës, i shpreh urimet tona më të mira popullit të Shqipërisë teksa ju festoni 112-vjetorin e Pavarësisë. Marrëdhënia e ngushtë midis kombeve tona është e ndërtuar mbi vlerat e përbashkëta demokratike dhe një dëshirë reciproke për paqe dhe siguri.”
Edhe një vit më herët ne narcoshtet ishim, sipas gjithë emërtesave të Agjencive ndërkombëtare të antimafias.
Ajo çfarë është e re ndryshe nga çdo urim në 35 vite, vjen sot në urimin amerikan në Tiranë. Mes të tjerash në mesazhin e sekretarit Rubio thuhet se “..gjithashtu, partneriteti ynë me forcat ligjzbatuese shqiptare i bën qytetarët tanë më të sigurt teksa ne përballemi me kërcënimet që paraqiten prej grupeve kriminale ndërkombëtare, karteleve të trafikut të drogës, si dhe atyre që bashkëpunojnë me ta…” Qartësisht vjen drejt ky deklarim për KM dhe qeveritarët e oborrtarët e tij të implikuar. Vjen kjo pak ditë pas sanksionimit të Luftar Hysës familjarisht si lidhje e kartelit terrorist meksikan të drogës “Sinaloa” . Kjo edhe me akuzën si pastrues të parave të trafikut të drogës në Shqipëri e vende të tjera. E takimet e Hysës me Ramën në zyrën e KM, nuk janë aspak sekret. Ndihma është konfirmuar prej tij. Rama e di. USA nuk e konsideron më individin Rama si aleat, por si kundërshtar, si i vendosur në anën e karteleve të drogës.
Dhe dje në medien austriake duke u shtirur si servil evropian, përpiqej të bënte dallime shtetformini. Riktheu çmendurinë e 2016 në CNN ku emërtonte Trump rrezik për njerëzimin. Dje e trashi marrëzinë duke pohuar se amerikanët nuk dinë të bëjnë shtet. Duke referuar Afganistanin, mes të tjerash ai tha se “…dështuan keq sepse nuk e kanë perspektivën e Bashkimit Evropian. Dhe sepse askush tjetër nuk di të ndërtojë një shtet me institucione. Amerikanët nuk kanë durim për këtë punë. Ata e kanë filozofinë e rregullimit të gjërave me bomba. Dhe pastaj me predikime..” flet njeriu që ka bombarduar Shqipërinë me antishtet që ka vjedhur çdo pasuri qytetarësh që ka masakruar ligjin ekonominë rendin dhe sigurinë. Që ka lejuar miliarda euro të kokainës, duke kriminalizuar ekonominë dhe politizuar krimin. I kapuri nga Mafia, i përdoruri nga Soros, për interrsa të përbashkëta antikombëtare, përpëlitet të mbijetojë. Populli thotë se kur qenit i vjen ngordhja pshurr në derë të xhamisë. Miliardat e vjedhura janë gjurmuar. Dosja NarcoRama nuk zhbëhet. Mesazhi i Rubio është i dukshëm edhe për një pavarësi të re. Për një pavarësi nga pushtuesit e rinj të Shqipërisë, nga kartelet terroriste të drogës, nën kujdesin e veçantë të KM Rama. Dhe çlirimi ka nisur të vijë nën kujdedin e veçantë të partnerëve dhe shqiptarëve patriotë..

Vladimir Putin nuk heq dorë nga Ukraina: Të na japin territoret, ose i marrim me forcë

Nga
Shqiperia Etnike
-
0

Presidenti i Rusisë, Vladimir Putin ka dyfishuar kërkesat e tij kryesore për t’i dhënë fund luftës në Ukrainë, duke deklaruar se Rusia do të lëshojë armët vetëm nëse trupat e Kievit tërhiqen nga territori i pretenduar nga Moska.

Këkesat e Rusisë përfshijnë gadishullin e Krimesë, të cilin e aneksoi në vitin 2014, dhe Donbasin, të përbërë nga Luhansku dhe Donetsku, pjesën më të madhe të të cilit Moska tani e ka të pushtuar.

Për Kievin, i cili ka përjashtuar heqjen dorë nga pjesët e Donbasit që ende mban, shpërblimi i Rusisë për agresionin e saj është një gjë e papranueshme.
Putin përsëriti pikëpamjen e tij se Rusia ka iniciativën në fushën e betejës dhe luftimet do të mbarojnë vetëm kur trupat ukrainase të tërhiqen nga territoret e sulmuara.

“Nëse ata nuk tërhiqen, ne do ta arrijmë këtë me forcën e armëve”, tha ai.

Megjithatë, ai shtoi se ishte absolutisht e nevojshme të diskutoheshin disa pika specifike që duhet të shprehen në gjuhën diplomatike.

Kreu i Kremlinit konfirmoi se një delegacion amerikan, përfshirë të dërguarin special Steve Witkoff, pritet në Moskë, në gjysmën e parë të javës së ardhshme.

Deklaratat ai i bëri para gazetarëve gjatë një udhëtimi në Kirgistan.

Lëvizja e Deçanit dhe debatet rreth identitetit fetar

Nga
Shqiperia Etnike
-
0

Shkruan Zef Bushati

Kjo që po ndodh sot me Lëvizjen e Deçanit dhe me debatet rreth identitetit fetar, trashëgimisë së të parëve dhe sidomos rreth rikthimit te tradita katolike e Kastriotit, është tepër e ngarkuar emocionalisht, por jo e re në historinë shqiptare. A është kjo lëvizje pjesë e ndonjë skenari për të përçarë kombin apo për të “coptuar Shqipërinë”? Sipas analizës historike, politike dhe sociologjike, JO. Absolutisht JO!

Këto janë narrativa frike, të fryra shpesh nga grupe të interesit (brenda dhe jashtë vendit ), të cilat tremben nga ringritja e vetëdijes kombëtare shqiptare. Pse JO? 1. Identiteti shqiptar nuk coptohet nga rikthimi në rrënjë, përkundrazi forcohet. Gjergj Kastrioti ishte simbol i Unitetit Kombëtar, e jo i ndarjes. Identiteti katolik i Kastriotit është fakt historik, jo provokim. 2. Nuk ka asnjë mekanizëm politik që lidh besimin fetar me kufijtë e shtetit. As BE-ja, as SHBA-të, as NATO-ja, as ndonjë fuqi rajonale nuk e lidh këtë çështje me territorin. 3. Perçarja shpesh prodhohet nga ata që ndjehen të kërcënuar nga një vetëdije europiane. Për shumë shekuj, ndikimi osman e la popullin pa shtet, pa arsim, pa elitë kombëtare. Sot, çdo lëvizje që kërkon evropianizim, arsimimin, kulturë, histori e prek nervin e atyre që duan të mbajnë status quo-në. 4.Feja nuk është rrezik për kombin. Instrumentalizimi politik i saj është. Shqiptarët s’janë ndarë kurrë për fe kur kanë pasur një vizion të përbashkët. Por janë përçarë gjithmonë kur politika përdor fenë për interesa të veta.

Pse disa shqiptarë myslimanë, janë të zemëruar ? Jo sepse shqiptarët rikthehen në rrënjët e tyre, por sepse disa qarqe ideologjike (jo populli i thjeshtë mysliman) duan të ruajnë influencën e tyre kulturore,duan të mbajnë komunitetin shqiptar nën një identitet të importuar, duan të pengojnë afrimin me Perëndimin. Kujdes: Shqiptarët myslimanë nuk janë problemi. Ata janë vëllezërit e këtij kombi, pjesë e pandashme e tij. Por janë disa individe për interesat e tyre. Problemi i tyre janë strukturat ideologjike që tremben nga simbolet europiane dhe prejardhja iliro–shqiptare.

A e ndan kombin rikthimi te “besimi i të parëve” ? Absolutisht JO. Kjo teze eshtë vetëm propaganda individeve të dështuar. Historia shqiptare ka tre shtylla: 1.-Katolicizmi (Kastrioti, Bogdani, Bardhi, Fishta…) 2.-Orthodoksia (Çamëria, Labëria, Juglindja…) 3.- Islamizimi historik (perandoria osmane) Të treja ekzistojnë dhe e pasurojnë kombin. Por themeli i identitetit kombëtar, sipas të gjithë rilindësve, është gjuha shqipe, prejardhja iliro-shqiptare, kultura europiane, atdhedashuria, bashkëjetesa fetare. ( Mos shikoni Kisha e Xhamia, feja e Shqiptarit është Shqiptaria ) Të rikthehesh në rrënjë nuk të bën armik të askujt përveç atyre që e duan shqiptarin pa kujtesë. Konkluzioni: Levizja e Deçanit nuk është as copëtim, as skenar i errët, as rrezik kombëtar. Përkundrazi: Është një ndezje e debateve mbi identitetin kombëtar, kulturën e autentike shqiptare dhe trashëgiminë e Gjergj Kastriotit. Këto debate duhen bërë me dinjitet e mençuri e jo duke ushqyer frikëra të kota.

Presidenti Donald Trump uron shqiptarët për Ditën e Pavarësisë

Nga
Shqiperia Etnike
-
0

Presidenti i Shteteve të Bashkuara të Amerikës, Donald Trump, ka uruar Shqipërinë për 113-vjetorin e pavarësisë.

Urimet janë përcjellë përmes Presidentit Begaj, i cili në rrjete sociale ka falenderuar SHBA-të.

Më tej, Begaj shkruan se vendi ynë ka si prioritet bashkëpunimin me Shtetet e Bashkuara.

“Ndihem i nderuar t’u përcjell përshëndetjet e Presidentit Trump shqiptarëve për Ditën e Pavarësisë. Faleminderit SHBA, dhe faleminderit.
@POTUS
Donald J. Trump për mesazhet e ngrohta dhe pozitive në këtë ditë të rëndësishme. Shqipëria mbetet e përkushtuar për të punuar me Shtetet e Bashkuara mbi prioritetet tona të përbashkëta. Shqipëria gjithmonë ka qëndruar dhe do të qëndrojë gjithmonë përkrah Shteteve të Bashkuara. Zoti i bekoftë kombet dhe popujt tanë!“, shkruan Begaj në rrjete sociale.
Kujtojmë se urime pati dhe nga ana e Sekretarit amerikan të Shtetit, Marco Rubio, në një deklaratë publike.

“Në emër të Shteteve të Bashkuara të Amerikës, dua të uroj popullin e Shqipërisë me rastin e Ditës së Pavarësisë. Shtetet e Bashkuara dhe Shqipëria gëzojnë një partneritet të fortë, i ndërtuar mbi angazhimin e përbashkët për një të ardhme më të sigurt dhe më të begatë. Aleanca jonë në NATO është themeli i mbrojtjes sonë të ndërsjellë dhe ne mirëpresim rritjen e investimeve të Shqipërisë në sigurinë kolektive. Po ashtu, partneriteti ynë me forcat shqiptare të rendit e bën më të sigurt jetën e qytetarëve tanë, ndërsa përballemi me kërcënimet e grupeve kriminale transnacionale, kartelet e trafikut të drogës dhe atyre që bashkëpunojnë me to. Ne vlerësojmë gjithashtu bashkëpunimin e ngushtë në adresimin e kërcënimeve kibernetike dhe përgëzojmë Shqipërinë për përparimin e rëndësishëm në fushën e sigurisë kibernetike”, thuhet në deklaratën e tij.

Në fund Sekretari amerikan i Shtetit thekson se, “në këtë ditë të shënuar, presim me padurim të zgjerojmë më tej bashkëpunimin tonë në fushën e sigurisë, lidhjet ekonomike dhe miqësinë e qëndrueshme me Shqipërinë”.

Sot Shqipëria feston 113 vjet pavarësi. Nga viti 1912 kur Ismail Qemali shpalli Pavarësinë e Shqipërisë nga Perandoria Osmane, kjo datë është festa që përbashkon të gjithë shqiptarët, jo vetëm ata në shtetin amë, por edhe ata të Kosovës, të trojeve të tjera, por edhe miliona bashkatdhetarëve që jetojnë në mbarë botën.

Ministri Pirro Vengu drejt shkarkimit?! VoxNews: Ka përplsje të forta me Ramën! Kryeministri i ka kerkuar dicka te rende qe ai ska guxim ta

Nga
Shqiperia Etnike
-
0

Ministri i Mbrojtjes, Pirro Vengu, është drejt shkarkimit nga posti, të cilin e mban prej 16 muajsh. Ai e mori detyrën në mënyrë surprizë në korrik të vitit 2024, teksa u rikonfirmua edhe në shtator 2025, në qeverinë “Rama 4”. Disa muaj pas këtij rikonfirmimi dhe pas prishjes së balancave brenda mazhorancës, ky zv.kryeministrja Belinda Balluku është marrë e pandehur, Vengu është drejt largimit nga posti.

Burime nga Këshilli i Ministrave i thanë redaksisë së VoxNews se ministri Pirro Vengu ka pasur përplasje të forta me kryeministrin Edi Rama. Ky i fundit i ka kërkuar me ngulm që të firmosë një kontratë armatimi, të cilën do t’a fitojnë ose më saktë do t’a marrin në “tavolinë” disa partnerë të kryeministrit, por Vengu ka refuzuar. Deri më tani ai ka vënë “veton” për të mos firmosur, duke qenë se një pjesë e bashkëpunëtorëve të tij, janë nën akuzë nga SPAK-u. Frika e një hetimi të mundshëm dhe ngritja e akuzave ndaj tij e kanë stepur.

Ultimatumi i Ramës është drejt fundit dhe shumë shpejt, nëse nuk firmos, ai pritet që të shkarkohet nga detyra. Por, edhe nëse firmos, ai i ka thënë “burgut hapu”, pasi disa ministra, drejtorë të mëdhenj, kryetarë bashkie apo deputetë brenda mazhorancës, janë në burg, të tjerë të pandehur, disa me masa sigurie e shumë nën hetim.

SPAK-u ka krijuar një listë të gjatë të zyrtarëve që i ka dënuar, janë në proces gjyqësor apo në hetim, teksa nuk mbetet pas edhe Pirro Vengu, i cili deri më tani ka “luajtur në mbrojtje”. Dy paraardhësit e tij, në të njëjtën detyrë, Olta Xhaçka dhe Niko Peleshi janë hetuar, e para për bazat ushtarake që iu janë dhënë privatëve dhe i dyti për flotën e dështuar të avionëve zjarrfikës. Ndërkohë, tryeza e ministrit aktual të Mbrojtjes ka një tjetër prioritet, armatimet!

Politika e Shteteve të Bashkuara të Amerikës, Izraelit apo vetë Europës është përqendruar te shtimi i kapaciteteve të vendeve të NATO-s për t’u mbrojtur. Është kërkuar me ngulm që të shtohen fondet, teksa industria ushtarake shumë shpejt po kthehet në tepër fitimprurëse. Dhe, duke qenë se Shqipëria është vend anëtar i NATO-s, megjithëse s’kemi as ushtri të mirëfilltë, armatime e gjithçka tjetër, qeveria ka miratuar disa vendime dhe akte normative që të shtohen fondet dhe të investohet.

Por, si në shumë fusha të tjera prioritare, kanë filluar që të “lulëzojnë” firma dhe emra të preferuar. Në qendër të të gjithë skemës në Shqipëri është shoqëria KAYO, e cila u ngrit me shpejtësi për të prodhuar armë, veshmbathje apo edhe mjete ushtarake. Janë lidhur disa “aleanca”, teksa është kërkuar me ngulm që miliona euro të kanalizohen te disa biznesmenë të huaj, tepër të “preferuar” brenda mazhorancës dhe nga vetë kryeministri Edi Rama.

Pikërisht favorizimin e njërit prej tyre, Rama ia ka kërkuar me ngulm Pirro Vengut. Bëhet fjalë për një kontratë të majme armatimi, e cila është e destinuar të shkojë te ky “partner”. Deri më tani, Vengu është “mbrojtur”, por kush e di sesa gjatë?!

Marrëdhënia mes Ramës dhe Vengut është prishur, pavarësisht se të dy, kanë bashkëpunuar shumë gjatë. 39-vjeçari i lindur në Elbasan ka qenë pjesë e mazhorancës që prej vitit 2013, teksa ka mbajtur edhe detyrën e Shefit të Kabinetit në Ministrinë e Jashtme. Më pas, për dy vite, 2017-2019, ai ka qenë në stafin e ngushtë të vetë kryeministrit, duke mbajtur detyrën e drejtorit të Antikorrupsionit, në Kryeministri.

Pas kësaj detyre, në vitin 2019 Vengu u emërua si drejtor i Portit të Durrës, detyrë të cilën e mbajti deri në korrik të vitit 2024, kur u emërua si ministër i Mbrojtjes, detyrë të cilën e mban edhe sot e kësaj dite, por jo për shumë javë! Për shkak të këtyre detyrave, tepër të rëndësishme në Shqipëri, partnerët ndërkombëtarë e kanë pikasur dhe e kanë dokumentuar të gjithë veprimtarinë e tij. Në këto detyrë, 39-vjeçari dyshohet se ka lejuar veprimtari të paligjshme, madje gjatë “mbretërimit” të tij në Portin e Durrësit, ka lulëzuar trafiku i kokainës.

SPAK apo “SKAP”?

Nga
Shqiperia Etnike
-
0

Shkruan Zef Ndreka

Krizë e kulturës politike, jo krizë e drejtësisë.
Ka vite që opozitën e shohim të luaj pas një politike me standarde të dyfishta.
Qasja e saj ndaj SPAK-ut është kthyer në një shembull klasik të përdorimit politik të institucioneve të drejtësisë në varësi të interesit të momentit.
Për një periudhë të gjatë, figurat kryesore të PD-së si Sali Berisha, Flamur Noka dhe të tjerë, e kanë quajtur SPAK-un me tallje “SKAP-i i Ramës”, duke pretenduar se organi i posaçëm funksionon si instrument i qeverisë.
Por çfarë ndodh në realitet?
Kur goditet opozita, atë e quajnë “SKAP”.
Sa herë që SPAK ka hapur hetime ndaj figurave të PD-së apo ka kërkuar masa ndaj tyre, narrativa e opozitës është bërë e menjëhershme duke deklaruar publikisht se “SPAK punon për Ramën”, se “është drejtësi selektive”, se “është organ politik”.
Kjo retorikë synon vetëm mbrojtjen e figurave brenda partisë dhe mobilizimin e elektoratit opozitar ndaj një “armiku të përbashkët”.
Kur goditet qeveria, e quajnë “SPAK”.
Në momentet që organi i njëjtë merr masa ndaj funksionarëve të lartë të qeverisë si në rastet Balluku, ujësjellësi, shëndetësia, apo dosjet e tjera të PS-së, e njëjta opozitë ndryshon ton menjëherë duke deklaruar se “SPAK po dëshmon se është i pavarur”, se “Drejtësia po vepron”, se “Askush nuk është mbi ligjin”
Pra, i njëjti institucion etiketohet krejt ndryshe, vetëm se është në funksion të interesit të momentit politik.
E gjitha kjo lojë e dyfishtë, tregon jo problemet e SPAK-ut, por problemet e politikës.
Në fakt, kjo është një sjellje tipike e politikës shqiptare, që në rastet kur drejtësia shkon kundër meje, atëherë institucioni është i kapur.
Por kur drejtësia shkon kundër kundërshtarit, institucioni është i drejtë.
Kjo logjikë e përdorimit të standardeve të dyfishta, dëmton besueshmërinë e klasës politike, konkretisht PD-në, jo të vetë drejtësisë.
SPAK nuk mund të themi se është perfekt, por është më pak i kontrollueshëm se institucionet e mëparshme.
Mund të ketë debate mbi mënyrën e veprimit të SPAK-ut, prioritetet, shpejtësinë e dosjeve apo qasjen e prokurorëve. Këto janë të natyrshme.
Por një gjë është fakt, se nëse SPAK do të ishte realisht “i kapur”, nuk do të kishte guxuar të prekte sot asnjë ministër, zëvendësministër, ish-kryebashkiak, drejtor të madh, apo zyrtar të afërt me qeverinë.
Fakti që po preken të dyja anët e politikës tregon se sistemi, megjithë të metat, ka një pavarësi funksionale që nuk shihej në dekada të mëparshme.
Shtrohet pyetja thelbësore në këtë rast për opozitën:
Nëse SPAK është “SKAP” kur heton opozitën, si kthehet brenda ditës në “SPAK” kur pezullon Ballukun?
Në këtë rast zbërthehen dy dilema:
– Opozita s’ka një qëndrim parimor për drejtësinë.
– E gjithë retorika “SKAP” është e motivuar nga frika politike, jo nga analizat juridike.
Gjithsesi, themi me bindje se SPAK-u është i njëjti institucion dhe s’ka si të jetë një ditë i kapur dhe një ditë i pavarur.
Por ndryshon vetëm interesi i politikanëve që e komentojnë.
Opozita nuk e kritikon SPAK-un për parime, por për rezultate kur ai rezultat i prek vetë ato.
Dhe kjo në vetvete, tregon krizën e kulturës politike në vend, jo krizën e drejtësisë.
Në këtë kuptim, pyetja që në titull “është SPAK apo SKAP?” duhet ti drejtohet vetë opozitës për të na spjeguar përfundimisht nëse është qëndrim parimor apo oportunist?

Ceno Klosi me hotel në Londër? Vetting zbuloi fshehjen e pasurisë së ish-drejtorin e Tatimeve! Hijet e skandalit edhe me “Bankers Petroleum”, hetimi i ri SPAK

Nga
Shqiperia Etnike
-
0

Nëpërmjet burimeve konfidenciale “Vetting” ka siguruar informacione, të cilat zbulojnë se Klosi është njëri nga tre pronarët e një hoteli prestigjioz në Londër.

“Biznesi në Mbretërinë e Bashkuar në të cilin Klosi zotëron 33% të aksioneve, First Bar Limited, ka në zotërim të drejtën e leasehold për një pub në Surrei- Foresters Arms në Hampton Uick, të cilën e bleu më 31 maj 2019 për 108 mijë paund”– tha një burim për Vetting.

Liz’hold (Leasehold) është një formë e marrjes me qira të tokës ose pronës, ku njëra palë blen të drejtën për të zënë tokë ose një ndërtesë për një kohë të caktuar.

Nga të dhënat në faqen zyrtare të kësaj prone të paluajtshme zbulohet se ky hotel me restorant dhe pub-i është krijuar në vitin 1861. Madje pas ndryshimit të menaxhimit te “The Foresters Arms” është ndryshuar pjesërisht dekorimi, ku kompania ka bërë investime të reja.

Nga dokumentet zyrtare zbulohen detaje të tjera për transaksionet e këtij hoteli, të cilat “Vetting” i ka siguruar nga Regjistri i Tokës ose “HM Land Registry”, i cili është pjesë e Departamentit për Nivelimin, Strehimin dhe Komunitetet, që varet nga Sekretari i Shtetit në Mbretërinë e Bashkuar.

WhatsApp Image 2025-11-27 at 14.03.46 (2)

Në dokumentin e datës 20 mars 2022, kompania “First Bar Limited” konfirmohet si zotëruese e këtij hotel-pubi, me adresën fillestare të kompanisë. Aty evidentohet edhe shuma e blerjes së kontratës, e cila konfirmon transaksionin me vlerë 108 mijë paund.

Mosdeklarimi i këtij aseti në mënyrë specifike, e ka bërë Ceno Klosin subjekt të ligjit Nr.9049, datë 10.4.2003 “Për Deklarimin dhe Kontrollin e Pasurive”, ku zyrtarët e lartë duhet të deklarojnë në çdo rast pasuritë që ata zotërojnë sipas nenit 4, pika a të po këtij ligji.

Në asnjë moment nuk zbulohet ky aset nga Ceno Klosi në deklaratën fillestare në ILDKPKI-së, duke shtuar numrin e shkeljeve që ka bërë kreu i Tatimeve. Madje Ceno Klosi përsëri vit pas vit deklaratën e pasurisë, duke përsëritur edhe fshehjen e pasurisë, si ish Drejtor i Përgjithshëm te Tatimet, si ish zv.ministër te Infrastruktura dhe si deputet i Partisë Socialiste në Kuvendin e Shqipërisë.

Por si nisën problemet e Klosit me kompanitë në offshoret e Londrës?

Në Janar 2019, Ceno Klosi do të bëhej një nga ortakët e kompanisë “First Bar Limited” me seli në Londër, së bashku me Redin Dokaj dhe Ritvan Dhamo.

Klosi zotëronte 33% të aksioneve, siç i ka edhe aktualisht sot që flasim, por problemet e tij me këtë kompani do të fillonin kur do të kalonte në krye të ish Agjencisë Kombëtare të Ujësjellës-Kanalizimeve dhe Mbetjeve të Ngurta.

Në formularin e dorëzuar te Inspektorati i Lartë i Deklarimit dhe Kontrollit të Pasurive dhe Konfliktit të Interesave, Klosi nuk do të deklaronte se kishte përfituar kredi në 5 maj 2020 nëpërmjet kompanisë “First Bar Limited” nga bankat britanike.

Nga dokumentet zyrtare, ai nuk ka deklaruar Fondin e Përbashkët të kompanisë me vlerë 33 mijë paund për vitin 2020 dhe me vlerë 121 mijë paund për vitin 2021. Gjithashtu kompania ka patur llogari bankare me vlerë 18 mijë paund në vitin 2020, të cilat janë 4-fishuar në 72 mijë paund në vitin 2021.

Por ky është problemi më i vogël sepse gjërat u komplikuan kur bankieri nga Fieri vendosi të kalonte në krye të Administratës Tatimore. Ngelet mister se si Klosi ka pranuar të marrë një post, i cili me fshehjen e kompanisë do ta vendoste përballë shkeljeve të Kodit Penal.

“Vetting” ka zbuluar se Klosi nuk ka hequr dorë nga aksionet e kompanisë dhe të vetëdeklarimi i formularit të pasurisë.

Akoma më i paqartë ngelet fakti se pse Ceno Klosi nuk dha dorëheqjen nga aksionet e kompanisë në Londër, ku edhe sot e kësaj dite rezulton aksioner në kundërshtim me Ligjin për Parandalimin e Konfliktit të Interesave në Ushtrimin e Funksioneve Publike.

Sipas nenit 22, të këtij ligji, Ceno Klosit i ndalohet që të zotërojë aksione ose pjesë në kapital, si dhe çdo lloj përfitimi tjetër, që nuk buron nga zotërimi pasiv, nga shoqëritë tregtare.

Së fundmi, Prokuroria e Posaçme ka marrë çështjen e Bankers Petroleum dhe ka vendosur nën hetim edhe institucionin e Tatimeve, ku duhet theksuar se për rreth 4 vite, ky institucion është drejtuar nga deputeti Ceno Klosi, ndaj të cilit sa vijnë e shtohen dosjet në Prokurori, por deri më sot nuk ka asnjë masë pezullimi apo ndalimi nga SPAK.

Ervin Salianji mbledh për 3 orë më të votuarit e primareve dhe të listave të hapura të PD-së në 11 maj

Nga
Shqiperia Etnike
-
0

Një tryezë e veçantë që zgjati rreth tre orë, mblodhi sot emrat më të votuar të Partisë Demokratike, si nga listat e hapura ashtu edhe kryesuesit e primareve, në një diskutim të hapur mbi të ardhmen e partisë.

Ish-deputeti Ervin Salianji thirri një takim ku ishin të pranishëm Ilir Alimehmeti (më i votuari në Qarkun Tiranë), Hysen Kadiu (më i votuari në primare), Aulon Kalaja (më i votuari në listën e hapur të Durrësit), Gent Cela (Qarku Fier), Qani Xhafa (Qarku Elbasan), Ted Kopliku (Qarku Shkodër), Xhemal Gjunkshi (Qarku Diber), Alma Kore (Qarku Gjirokastër), Pardid Mahmutaj (Qarku Berat), Nada Daullja (Qarku Vlorë), si dhe një sërë kandidatesh të votuara dhe fitues të primareve.

Sipas burimeve nga takimi, qëllimi kryesor ishte dëgjimi i mendimeve dhe eksperiencës së fituesve për të nxjerrë zgjidhjet më të mira për PD-në në këtë moment të rëndësishëm politik. Diskutimet u fokusuan mbi rikthimin e ADN-së fituese të partisë, promovimin e meritokracisë, hapjen e strukturave dhe forcimin e besimit qytetar.

Ky takim shihet si një hap i rëndësishëm drejt rifreskimit të frymës dhe modelit organizativ të PD-së, duke vënë në qendër zërin e qytetarëve dhe votuesve që kanë besuar tek kandidatët më të votuar.

“Rikthimi te ADN-ja fituese, meritokracia, hapja dhe besimi qytetar janë shtyllat mbi të cilat duhet të ndërtojmë të ardhmen e partisë,” thanë burimet nga takimi dhe se ky moment nënvizon rëndësinë e bashkëpunimit dhe dëgjimit të njerëzve që kanë marrë vota reale, duke u shndërruar në një mesazh pozitiv për demokratët dhe elektoratin e PD-së.

Nëntori i lirisë’, koncert vokal-instrumental i shkollës artistike ‘Prenkë Jakova’

Nga
Shqiperia Etnike
-
0

Shkruan Qamil Gjyrezi

Me datë 25. Nëntor. 2025 u zhvillua në sallën e koncerteve të shkollës ‘Prenkë Jakova’, aktiviteti artistiko-letrar, koncerti vokal-instrumental, ‘Nëntori i lirisë’. Krahas rëndësisë së festave të Nëntorit, koncerti ishte edhe një aktivitet, program përkujtimor në formë ‘homazhi’, për të gjithë ata që kanë kontribuar me gjithça, duke filluar edhe me jetën për muzikën, për të mbërritur deri ku jemi sot. Kështu u shpreh me këtë rast drejtori i shkollës ‘Prenkë Jakova’, violinisti i mirënjohur Anton Kaftalli. Drejtor artistik i koncertit ishte Anton Kaftalli dhe dirigjent Admir Leka. Në program kishte autor shqiptar e të huaj, të luajtura nga Orkestra simfonike e shkollës ‘Prenkë Jakova’, instrumentistë solistë dhe recitues. Orkestra simfonike e shkollës ‘Prenkë Jakova’ është e përbërë nga nxënës dhe mësues të shkollës.

Në programin e këtij koncerti spikatën muzika, pjesët e kompozitorit dhe violinistit të shquar shqiptar Pjetër Gaci. Kompozitori Pjetër Gaci, deklaronte: ‘Kemi muzikën, që të mos vdesim’. Prandaj me shumë vend, drejtori Anton Kaftalli, deklaroi në fillim të koncertit, që koncerti i kushtohet ‘muzikantëve që kanë kontribuar me gjithça’, për muzikën, si Pjetër Gaci dhe kompozitori i madh Prenkë Jakova. Në këtë koncert mori pjesë edhe e shoqja e kompozitorit Pjetër Gaci, intelektualja Tamara Gaci. Tamara Gaci ka një ndikim pozitiv shumë të madh në krijimtarinë e kompozitorit Pjetër Gaci. Ajo foli me shumë pasion për muzikën e Pjetër Gacit, duke e i dhënë jetë muzikës së kompozitorit të madh, që me muzikën dhe artin e tij emocionoi të pranishmit në koncert. Në programin e këtij koncerti ishte edhe kënga: ‘Për ty Atdhe’, një himn shpirtëror, artistik e patriotik për të gjithë shqiptarët. Kënga u këndua me shumë emocion nga bas-baritoni, pedagogu i kantos Lukë Mllugja. Solistë në violine ishte nxënësja e talentuar Elena Babani, e cila luajti shumë bukur, ‘Balladën për violinë’ të kompozitorit Pjetër Gaci. Në Program ishte gjithashtu ‘rondo’ nga kompozitori francez Gabriel Faure dhe koncerti u mbyll me ‘Valle simfonike’, të kompozitorit Pjetër Gaci. Orkestra simfonike e shkollës ‘Prenkë Jakova’, u drejtua me shumë pasion e profesionalizëm nga pedagogu Admir Leka, i cili punon me përkushtim me muzikantët e rinj. Kori i fëmijëve të shkollës ‘Prenkë Jakova’, drejtuar nga Lukë Mllugja, këndoi muzikë të kompozitorit tjetër të madh, Prenkë Jakova, ‘Fluturo o pëllumb i bardhë’. Mësuesja e letësisë e kësaj shkolle, Brunilda Gajtani recitoi me shumë emocion pjesë nga poeti kombëtar Atë Gjergj Fishta, poezinë ‘Atdheu’ dhe ‘Dëshmorëve të atdheut’. Okteti i frymës i pedagogëve të shkollës luajti me shumë profesionalizëm, ‘Dy këngë popullore’ shkodrane. Këta aktivitete ndikojnë, frymëzojnë shumë brezin e ri të muzikantëve për të kompozuar dhe luajtur sa më shumë muzikë shqiptare. Këta aktivitete, në pamje modeste, janë ‘gurë prove’ për të ardhmen e artistëve në këtë shkollë mitike arti, që ka një rrol të madh për zhvillimin e artit, muzikës jo vetëm në Shkodër, por edhe në nivel mbare kombëtar.

Joni Keta, hetuesi i “preferuar” i SPAK-ut për drejtimin e BKH-së

Nga
Shqiperia Etnike
-
0

SPAK ka propozuar hetuesin Joni Keta për të marrë drejtimin e Byrosë Kombëtare të Hetimit për pesë vitet e ardhshme.

Vendimi është marrë nga komisioni pranë SPAK, i përbërë nga Altin Dumani, Arben Kraja dhe Behar Dibra, të cilët votuan në favor të kandidaturës së Ketës.

Ai aktualisht mban detyrën e zëvendësdrejtorit të BKH-së dhe është drejtues i komanduar i institucionit. Emërimi përfundimtar pritet të bëhet nga Këshilli i Lartë i Prokurorisë më 2 dhjetor 2025.

Joni Keta ka një karrierë të gjatë në strukturat e hetimit, duke shërbyer më herët si Oficer i Policisë Gjyqësore pranë Prokurorisë për Krimet e Rënda.

1...707172...939Faqja 71 nga 939

POSTIMET E FUNDIT