Kreu Blog Faqe 80

SPAK thërret Sali Berishën për “21 Janarin”

Nga
Shqiperia Etnike
-
0

Prokuroria e Posaçme Kundër Korrupsionit dhe Krimit të Organizuar ka lëshuar urdhër për paraqitjen e ish-kryeministrit Sali Berisha në lidhje me hetimet për ngjarjen e “21 Janarit”, ku humbën jetën katër protestues përpara Kryeministrisë.

Sipas dokumentit zyrtar, urdhri është firmosur më 7 nëntor 2025 nga prokurori Alfred Shehu, i cili po heton çështjen penale. Në urdhër thuhet se Berisha thirret për t’u marrë në pyetje si person që ka njohuri për rrethanat e dobishme për hetimin, në kuadër të procedimit penal për veprat:

· “Vrasja në rrethana të tjera cilësuese”,

· “Shpërdorimi i detyrës”,

· dhe “Kryerja e veprimeve që pengojnë zbulimin e së vërtetës.”

SPAK ka dërguar thirrjen në adresën e banesës së Berishës në Tiranë, ndërsa sipas dokumentit, materiali është njoftuar edhe nëpërmjet Postës Shqiptare.

Përmbledhje e fitores së thellë të PS në zgjedhjet e pjesshme

Nga
Shqiperia Etnike
-
0

Shkruan Zef Ndreka

Çfarë ndodhi?
Në zgjedhjet e pjesshme për 5 bashki Vlorë, Berat, Cërrik, Tepelenë dhe Mat, të datës 9 nëntor 2025, PS-ja fitoi me diferencë të madhe.
Në Vlorë, kandidatja e PS-së mori rreth 78 % të votave.
Në Cërrik, kandidati i PS‐së fitoi me rreth 66 % të votave.
Pjesëmarrja në këto zgjedhje në 5 bashkitë ishte vetëm rreth 18.45 % të zgjedhësve, një nivel i ulët i pjesëmarrjes.
Në zgjedhjet parlamentare të datës 11 maj 2025, PS-ja arriti një fitore të thellë, mori 83 mandate kundrejt pakicës që mori Partia Demokratike dhe koalicioni i tyre.
Pse është e rëndësishme kjo fitore?
Diferenca e madhe votash tregon për dominim të PS-së në këto zgjedhje, sidomos përballë opozitës, që duket se nuk mobilizoi sa duhet.
Pjesëmarrja e ulët në zgjedhjet e pjesshme, pra rreth 18 %, është shqetësuese.
Një fitore me diferencë të madhe, por në një proces ku pak votuan, kjo mund të reduktojë legjitimitetin e rezultatit ose të shpjegojë suksesin në terma mobilizimi të bazës.
Fitore të tilla vendosin PS-në në një pozicion shumë të fortë për qeverisje dhe për të diktuar agjendën politike në nivel lokal dhe qendror.
Për opozitën, ky rezultat është sinjal i humbjes së tërheqjes ndaj votuesve, që kërkon reflektim dhe riorganizim.
Rezultati 5 me 0 në favor të PS-së, përbën jo vetëm një fitore të thellë numerikisht, por edhe një fitore politike e simbolike për shumicën qeverisëse, që arriti të ruajë dhe zgjerojë kontrollin lokal në kushte jo të favorshme, në pjesëmarrje të ulët, mot me shi dhe mungesë reale gare nga opozita.
Rezultatet sipas bashkive.
– Në Vlorë, Bruna Dervishi PS.
Gruaja e parë që drejton bashkinë e Vlorës.
Fitorja e saj ka peshë politike dhe simbolike, sepse përfaqëson një hap drejt barazisë gjinore në nivel vendor dhe një pranim të lartë publik për figurat femërore në politikën lokale.
– Në Berat, Ervin Demo PS.
Rimerr mandatin me një rezultat spektakolar, 83 % të votave, ose 13 049 vota nga 15 454 që PS kishte marrë në zgjedhjet parlamentare të 11 majit.
Ky raport tregon koherencë elektorale të bazës socialiste dhe aftësi organizative shumë të lartë.
– Cërrik, Florenc Dervishi PS.
Fitore e thellë mbi 66 %.
Një bashki e vogël, por strategjike për PS-në në qarkun e Elbasanit, që forcon kontrollin e socialistëve në zonat e mesme të vendit.
– Në Tepelenë, Gramoz Muçaj PS.
Një emër i njohur në strukturat lokale.
Rezultat i pritshëm, por gjithsesi konfirmues për forcën e PS-së në jug.
Procesi i numërimit u testua për herë të parë me ndihmën e inteligjencës artificiale për verifikim paralel në bashkëpunim me KQZ-në.
– Në Mat, Altin Toska PS.
Fitore në një zonë tradicionalisht me konkurrencë të fortë midis PS dhe PD.
Rezultati i PS-së në Mat tregon dobësinë organizative të opozitës, që nuk arriti të prodhojë një ofertë lokale të besueshme.
Konteksti dhe domethënia politike e këtyre zgjedhjeve, lidhet me pjesëmarrjen e ulët, rreth 18 % që tregon mungesë entuziazmi qytetar, por njëkohësisht edhe aftësi të PS-së për të mobilizuar bazën e vet besnike.
Opozita shfaqet më e fragmentuar se kurrë, as PD zyrtare, as grupimet rreth Berishës nuk arritën të strukturojnë fushatë reale.
PS-ja përdori këtë terren për të shfaqur forcë organizative dhe stabilitet politik, duke dhënë sinjal se edhe në mungesë gare reale, mbetet partia dominante e vendit.
Cili është mesazhi politik i këtyre zgjedhjeve?
Edi Rama dhe stafi i tij mund ta lexojnë këtë si një referendum lokal të heshtur në favor të qeverisjes së tyre.
Fitorja në të gjitha bashkitë shërben si legjitimim i kursit politik aktual, por edhe si paralajmërim se opozita rrezikon të mbetet jashtë skene në nivel vendor.
Në të njëjtën kohë, rezultati nënvizon një problem të madh demokratik, mungesa e garës reale dhe rënia e pjesëmarrjes, çka i jep fitoreve një karakter teknik më shumë sesa përfaqësues.

PD mbledh grupin pas bojkotit të komisioneve, Korreshi i jep ide Berishës: Duhet të ngujohemi te zyra e Peleshit

Nga
Shqiperia Etnike
-
0

Pas bojkotit të komisioneve, Partia Demokratike ka mbledhur grupin parlamentar në selinë blu.

Në hyrje të mbledhjes, deputeti i PD, Saimir Korreshi ka propozuar që deputetët e opozitës të ngujohen në zyrën e kryetarit të Kuvendit, Niko Peleshi, derisa ky i fundit të respektonte parlamentin dhe t’i jepte deputetëve të drejtën e fjalës.

“Unë e kam thënë mendimin shumë mbledhje më parë, që prej seancës së parë të palemantetit që shoku Peleshi nuk na lejoji të mbanim fjalën e parë, ne duhet të kishim të shkuar të zyra e tij dhe të ngujoheshim në parlament derisa të na jepej e drejta e fjalës. Për mua ka disa teori, por në gjykimin tim unë kam qenë që ne të shkonim tek zoti Peleshi dhe të respektonte Kuvendin e Shqipërisë.Kjo nuk ka lidhje me disfatën e opozitës. Ne kemi lozur me një portë. Kjo ishte lojë me një portë”, tha Korreshi.

Nga ana tjetër, pa dhënë shumë detaje, demokratët iu përgjigjën pyetjeve të gazetarëve pas humbjes në zgjedhjet lokale:

Pyetje: Cili është qëndrimi që do të mbani në mbledhjen e Grupit?

Ivi Kaso: Ku i keni dëgjuar këtë bojkot ose Komisione parlamentare. Deri më tani nuk ka asnjë bojkot.

Luçiano Boçi: Prandaj është mbledhja, për të bërë propozime.

Pyetje: A jeni pro bojkotit të PD-së në Komisione?

Jozefina Topalli: Akoma nuk kam shkuar në mbledhje.

Pyetje: Cili është qëndrimi juaj?

Gazment Bardhi: Të shkojmë një herë në mbledhje dhe pastaj. Besoj që ju keni durimin e nevojshëm për qëndrimin e Grupit Parlamentar të PD-së që do të bëhet i ditur pas mbledhjes.

Në mbledhje mungojnë 5 deputetë Bujrar Leskaj, Edi Paloka, Luan Baçi, Gent Strazimiri, Artan Luku.

Sot zgjedhje në 5 bashki, testohet edhe Inteligjenca Artificiale

Nga
Shqiperia Etnike
-
0

Në 5 bashki të vendit mbahen sot zgjedhjet e pjesshme vendore. 334.539 mijë qytetarë me të drejtë vote do të zgjedhin kryebashkiakët e rinj në Vlorë, Berat, Cërrik, Mat e Tepelenë, ndërsa për drejtimin e këtyre bashkive janë në garë 13 kandidatë.

Pothuajse në të gjitha bashkitë ku sot votohet, të paktën në tre zgjedhjet e fundit, kryetari që është zgjedhur ka qenë nga radhët e Partisë Socialiste. Përjashtim bën vetëm Mati, që në vitin 2015 nxorri fitues Nezir Rizvanin nga radhët e Aleancës Popullore për Punë dhe Dinjitet, koalicion i drejtuar nga Partia Demokratike.

Por çfarë tregojnë rezultatet e kaluara në bashkitë ku votohet sot:

VLORË

2015 – Dritan Leli, Partia Socialiste

2019 – Dritan Leli, Partia Socialiste

2023 – Ermal Dredha, Partia Socialiste

BERAT

2015 – Petrit Sinaj, Aleanca për Shqipërinë Europiane

2019 – Ervin Demo, Partia Socialiste

2023 – Ervin Demo, Partia Socialiste

CËRRIK

2015 – Altin Toska, Aleanca për Shqipërinë Europian

2019 – Andis Salla, Partia Socialiste

2023 – Andis Salla, Partia Socialiste

MAT

2015 – Nezir Rizvani, Aleanca Popullore për Punë e Dinjitet

2019 – Agron Malaj, Partia Socialiste

2023 – Agron Malaja, Partia Socialiste

TEPELENË

2015 – Tërmet Peçi, Partia Socialiste

2019 – Tërmet Peçi, Partia Socialiste

2023 – Tërmet Peçi, Partia Socialiste

Mandati i kreut të SPAK-ut, vlen më shumë se 83 mandatet e vjedhura të Edi Ramës

Nga
Shqiperia Etnike
-
0

Ish-ministri i Drejtësisë, Ylli Manjani, ka reaguar ndaj raportimeve për mosshpenzimin e fondeve publike gjatë këtij viti. Sipas tij, ndonëse qeveria ka pasur në dispozicion mjaftueshëm mjete financiare, ato nuk janë përdorur siç duhet, duke shkaktuar ngecje në pagesat e kontratave publike dhe në realizimin e investimeve.

“Paratë e shtetit po qëndrojnë në llogaritë e thesarit, ndërsa borxhi publik vazhdon të rritet. Kjo tregon mungesë serioze të menaxhimit financiar dhe paaftësi për të administruar investimet publike”, shprehet Manjani.

Ai shton se një pjesë e këtij ngërçi lidhet edhe me klimën e frikës që, sipas tij, është krijuar nga veprimet e SPAK-ut. “Sjellja përgjo, procedo e fut në burg pastaj të gjejmë se çfarë ke bërë, ka paralizuar administratën. Reforma e drejtësisë dhe hetimet e bazuara në thashetheme kanë bërë që qeveria të mos guxojë të shpenzojë as fondet e veta”, thekson ish-ministri.

Në reagimin e tij, Manjani ironizon edhe mazhorancën socialiste: “Ç’vlerë kanë 83 mandatet e PS dhe Edi Ramës, kur nuk arrijnë të përdorin as buxhetin e shtetit? Sot, një mandat drejtuesi i SPAK peshon më shumë se gjithë qeveria bashkë.”

Sipas tij, qeverisja aktuale po kthehet në një “qeverisje të frikës”, ku administrata publike shmang çdo vendim nga frika e hetimeve. “Dëmi që i shkaktohet publikut nga mosshpenzimi i fondeve është më i madh se ai që vjen nga korrupsioni. Qeveritë e korruptuara mund të ndryshohen, por frika në administratë mbetet gjatë,” përfundon Manjani.

Postimi i plotë:

Sipas BW, qeveria këtë vit ka patur para por nuk i ka shpenzuar. Madje nuk ka paguar as detyrimet e kontratave publike në fuqi.

Kjo ka rritur borxhin publik ndërkohë që paratë flenë në llogaritë e thesarit të shtetit.

E thënë shkurt qeveria nuk ka menaxhuar hiç mirë paranë publike dhe shërbimet e investimet publike. Ndërkohë që nevoja për shërbime e infrastrukturë është e madhe.

Në gjykimin tim një rol të pazëvendësueshëm kanë luajtur këtu edhe “heronjt e kalamajve të Yurit”, SPAK-u pra.

Me sjelljen e tyre përgjo, procedo e fut në burg pastaj të gjejmë se çke bërë, kanë arritur me shumë “sukses” të paralizojnë qeverisjen në vend.

I rrofshin 83 mandatet PS dhe Edi Ramës, se nuk arrijnë të shpenzojnë as paret e buxhetit të shtetit, nga reforma e “mrekullueshme” dhe nga hetimet e burgosjet me thashetheme të administratës publike.

Hë për hë, mandati i drejtuesit të SPAK, vlen më shumë se 83 mandate deputetësh dhe gjithë qeveria të marrë së bashku.

Nëse kjo që ka ndodhur quhet qeverisje antikorrupsion, më mirë na ktheni tek ajo e korruptuara.

Nuk mund të ketë qeverisje eficente me SPAK, që bëhet si kobure për tua vënë në ballë punonjësve publikë që të mbledhin b*thën!!!

Dëmi që i vjen publikut nga mos shpenzimi i parasë nga frika e administratës është më i madh se dëmi nga qeveritë e korruptuara. Këto të fundit edhe ndryshojnë, por qeverisjet e frikës ngulen thellë në memorie.

Belindës i zbulohet edhe 6 milion euro në bankën e Zvicres

Nga
Shqiperia Etnike
-
0

Gazetarja Anduena Llabani ka zbuluar detaje të reja për hetimet e SPAK ndaj zëvendëskryeministres Belinda Balluku, e cila tashmë është marrë e pandehur. Sipas saj, çështja është shumë më e gjerë sesa është bërë publike, duke përfshirë 7–8 procedime penale për shpërdorim detyre, korrupsion dhe pastrim parash. Dokumentet e deritanishme përbëjnë vetëm ‘maja e ajsbergut’.
Llabani tha se dosja që çoi në marrjen të pandehur të Ballukut është dorëzuar në SPAK nga Partia Demokratike, e cila ka paraqitur materiale shtesë që, sipas saj, thellojnë skandalin. Një nga pistat kryesore të hetimit lidhet me një transfertë prej mbi 6 milionë eurosh në një bankë zvicerane në emër të Ballukut, çështje që tashmë po hetohet në nivel ndërkombëtar. Letërporosi janë dërguar në Zvicër dhe Meksikë, ku dyshohet për transferta të tjera të mëdha.
Gazetarja përmendi gjithashtu rolin e Klodian Çamit, zyrtar i Doganave, të cilësuar si ‘kutia e Pandorës’, pasi ka menaxhuar transferta financiare që dyshohet se janë bërë në emër të institucioneve shtetërore. Llabani theksoi se ky nuk është një rast i izoluar, por pjesë e një strukture më të gjerë që ka përdorur mekanizmat shtetërorë për përfitime financiare, duke ngritur dyshime për një rrjet institucional të përfshirë në skemën e korrupsionit.

Mos luani më me fatin e Shqiptarëve!

Nga
Shqiperia Etnike
-
0

Shkruan Zef Bushati

Qytetarët shqiptarë nuk kanë nevojë të dëgjojnë nga ndërkombëtarët – e në veçanti nga zonja Marta Kos – lavdërime për “punën e shkëlqyer” të Kryeministrit, ndërkohë që pohohet në të njëjtën frymë se “Shqipëria ka ende shumë për të bërë” drejt anëtarësimit në Bashkimin Europian. Kjo është një gjuhë kontradiktore, e lodhshme dhe tashmë e tejkaluar. Ajo që shqiptarët kërkojnë nga Brukseli nuk janë fjalë të zbukuruara, por vlerësime reale, të ndershme dhe të bazuara në fakte. Drejtuesit e BE-së dhe përfaqësitë e tyre në Tiranë te BE, OSBE/ ODHIR, duhet të raportojnë me sinqeritet për problemet dhe shqetësimet serioze që po kalon vendi, në vend që të bëjnë propagandë politike në krah të pushtetit.
Sot, Qeveria shqiptare po përpiqet të ndryshojë DAP, Departamentin e Administratës Publike, një institucion që me shumë mund u ngrit sipas kërkesave dhe standardeve të BE-së. Në vend që të thellojë depolitizimin, pushteti kërkon ta kthejë atë nën komandën e politikës dhe qeverisë. E njëjta frymë po ndiqet me Kodit Zgjedhor, Kodin Penal dhe me shumë ligje të tjera që duhet të ishin ura drejt Europës, por po shndërrohen në mjete kontrolli politik. Në vend që të afrohemi me ligjet dhe standardet europiane, po largohemi prej tyre çdo ditë, duke thelluar politizimin e institucioneve dhe varësinë e tyre nga qeveria e politika.
Shqiptarët nuk janë të painformuar. Ata janë të arsimuar, të përgatitur dhe të mençur – në Tiranë, në Europë, në SHBA, në universitete të njohura e serioze. Ata dinë të lexojnë çdo deklaratë, dinë të dallojnë hipokrizinë nga sinqeriteti, interesin nga parimi, dhe qëllimin nga fasada diplomatike.
Ndaj, një thirrje e qartë për të gjithë:
Mos luani me fatet e Shqiptarëve !
Mjaft i keni përdorur, mjaft i keni ndarë, mjaft i keni shtypur. Shqiptarët, kudo që jetojnë në trojet e tyre, e dinë shumë mirë kush janë miqtë e vërtetë dhe kush punon kundër tyre, nën maskën e partnerit e mikut ndërkombëtar. Sot është koha e Shqiptarëve !
Koha e premtimeve boshe ka mbaruar. Shqipëria ka nevojë për drejtësi, dinjitet dhe respekt – jo për hipokrizi diplomatike.

I përkas asaj vetmije

Nga
Shqiperia Etnike
-
0

Shkruan Albert Vataj

Paralajmërimi i Dostoevskyt për vetmitarët dhe domethënia e vetmisë si ndriçim, sipas mendjeve të nditura
“Mos e sfido kurrë njeriun që është në paqe me vetminë e tij dhe nuk ka problem të jetë vetëm, sepse gjithmonë do të humbasësh.”, shkroi Dostoevsky, sepse nuk duhet kurrsesi.
Në këtë sentencë që duket e thjeshtë, fshihet një prej të vërtetave më të thella të natyrës njerëzore: ai që ka pushtuar vetminë, ka pushtuar veten. Vetmia, e cila për shumë njerëz është një dhimbje e padurueshme, një boshllëk ku humbin e dridhen, për të tjerë është një territor i shenjtë, një hapësirë ku shpirti merr frymë lirshëm dhe mendja rigjen qetësinë.
Njeriu që nuk trembet nga vetmia është i pathyeshëm, sepse nuk ka frikë nga humbja; është i pashantazhueshëm, sepse nuk i duhet turma; është i palëkundshëm, sepse forca e tij është e brendshme, jo e huazuar. Siç shkruante Nietzsche: “Ai që ka një PSE të fortë për të jetuar, i përballon pothuajse çdo SI.”
Dhe ai që e ka gjetur këtë PSE brenda vetes, nuk e kërkon më tek të tjerët.
Në psikologji kjo gjendje njihet si pavarësi emocionale, një fazë e rrallë e zhvillimit, ku individi çlirohet nga nevoja për miratim, vlerësim apo përkrahje të pandërprerë. Carl Jung e quante këtë “individuim”, faza kur njeriu bëhet i plotë me veten dhe i jep formë fatit të tij, jo sipas zërave të botës, por sipas zërit të brendshëm.
Jung thoshte: “Vetmia nuk vjen nga mungesa e njerëzve përreth teje, por nga paaftësia për të komunikuar gjërat që për ty janë të rëndësishme.”
Njeriu që e ka arritur paqen me veten nuk e vuan më këtë hendek; ai e di se komunikimi më i rëndësishëm është ai me vetveten.
Filozofia ekzistencialiste e shpjegon edhe më thellë këtë fenomen. Kierkegaard e quante vetminë “portën e së vërtetës”, sepse vetëm i vetmuar njeriu e sheh qartë vetveten, pa maska, pa rolet që i vesh shoqëria. Camus shkruante se njeriu i lirë është ai që ka hequr dorë nga frika e përjashtimit, dhe se vetmia e përpunuar bëhet një formë e lartë dinjiteti.
Edhe Hannah Arendt theksonte se: “Vetmia është gjendja në të cilën unë jam me veten time; izolimi është kur unë jam i ndarë nga të tjerët.”
Dhe kjo dallim është thelbësuar se njeriu i pajtuar me vetminë nuk është i izoluar, ai është i ndriçuar.
Shkrimtarët e kanë pasqyruar shpesh si një dhunti të pakompromentueshme. Rainer Maria Rilke këshillonte të rinjtë të “durojnë vetminë me dashuri”, sepse aty lind arti i vërtetë dhe njeriu i vërtetë.
Në një nga letrat e tij më të bukura ai shkruan: “Dashuroni vetminë, sepse ajo është e vetmja që ju lejon të rriteni.”
Në këtë kuptim, njeriu që është pajtuar thellësisht me vetminë nuk është thjesht i fortë, ai është i lirë. Lirë nga frika e braktisjes, nga varësia emocionale, nga pasiguria e miratimit shoqëror. Lirë të zgjedhë, të mendojë, të jetë.
Prandaj Dostoevsky kishte të drejtë kur shprehej se njeriu që nuk druan nga vetmia është i pamposhtur, sepse nuk ka më asgjë që mund t’i merret.
Ai ka gjetur veten, dhe kush e gjen veten, ka gjetur gjithçka.
Ajo që dua dhe ajo që unë bëj është udha që më shpie te kjo liri.

Lulzim Basha një mision i këputur, as karakter lideri, as guxim për të qënë i pavarur

Nga
Shqiperia Etnike
-
0

Shkruan Zef Ndreka

Historia politike e tranzicionit shqiptar është e mbushur me figura që u ngjitën shpejt dhe u shuan po aq shpejt. Por pak shembuj janë kaq domethënës sa rasti i Lulzim Bashës.
Dikur përfytyruar si “fytyra e re” e Partisë Demokratike, si simbol i brezit europianist që do të çonte opozitën drejt reformimit dhe modernizimit, ai ka përfunduar sot pa parti, pa bazë dhe pa besim politik. Nga kryetar zyrtar i opozitës dhe kandidat për kryeministër, Basha ndodhet sot në një pozitë të vështirë, i izoluar, pa ndikim real, i thirrur si dëshmitar në SPAK për një nga ngjarjet më tragjike të demokracisë shqiptare, 21 janarin.
Ngjitja e tij në politikë ishte e shpejtë dhe e çuditshme. Nuk lindi nga terreni i betejave politike, as nga përvoja e gjatë në strukturat e PD-së, por si një katapultim i përgatitur në zyrat e lidershipit dhe i shoqëruar nga një mbështetje e çuditshme, e dyshimtë dhe e fortë ndërkombëtare.
Për një kohë të shkurtër, Lulzim Basha u shfaq si njeriu i duhur për të pasuar Berishën, për t’i dhënë një frymë të re partisë, për ta çuar atë drejt reformimit dhe për të rikthyer besimin e humbur të shqiptarëve te opozita.
Por ky iluzion nuk zgjati. Qysh në vitet e para të drejtimit të tij, u duk qartë se Basha nuk kishte as karakterin e liderit, as guximin për të qenë i pavarur.
Ai lëvizi gjithmonë nën hijen e Berishës, pa ditur asnjëherë të ndajë qartë interesin e vet politik nga interesi i “babait politik” që e krijoi, e mbështeti dhe e shkatërroi. Kulmi i kësaj pasigurie u pa kur SHBA shpalli Berishën “non grata”. Në vend që të kishte një qëndrim të prerë e dinjitoz, Basha zgjodhi lojën e dyfishtë. Njëherë për të shpallur ndarje formale, dhe njëherë tjetër për të mos e humbur mbështetjen e atyre që ende e shihnin Berishën si simbolin e PD-së.
Kjo paqartësi strategjike dhe mungesë vizioni e çoi partinë drejt përçarjes më të thellë në historinë e saj. Në vend të reformimit, opozita u fragmentua në disa copa. Në vend të rinovimit, u kthye në përsëritje të së shkuarës. Dhe në fund, Basha mbeti pa asnjërën palë, as me Berishën, as me demokratët. Ai humbi betejat elektorale, humbi besimin e ndërkombëtarëve dhe humbi sensin e drejtimit politik.
Thirrja e tij në SPAK për të dëshmuar mbi ngjarjet e 21 janarit është simbolikisht kapitulli i fundit i këtij udhëtimi të dështuar. Nga njeriu që pretendonte të përfaqësonte moralin e ri të politikës, është kthyer në një figurë të shuar që lidhet më shumë me dosjet e së shkuarës sesa me shpresën e së ardhmes.
“Misioni” i Lulzim Bashës mund të konsiderohet pa mëdyshje një mision i këputur, në të gjitha kuptimet. Ai nuk arriti të ndërtojë një projekt politik me rrënjë, as të rikthente shpresën e opozitës shqiptare.
E nisi si një premtim europian dhe e mbylli si një zhgënjim kombëtar. Në fund, historia e tij mbetet një mësim i qartë për politikën shqiptare ku asnjë projekt i ngritur mbi ndërhyrje të huaja, kalkulime personale dhe mungesë autenticiteti nuk mund të mbijetojë gjatë.
Opozita nuk kërkon fytyra të importuara, por lidership të vërtetë, që buron nga populli dhe që i qëndron fjalës së dhënë.

Bisedat për tenderin e tunelit të Palloshit të Belindës: Mos më bëj mua kompetenten, ti sikur do e skualifikoje fituesin

Nga
Shqiperia Etnike
-
0

Në dosjen e SPAK për tunelin e Llogarasë tregohet edhe një tjetër bisedë mes dy zyrtareve për fituesin për ndërtimin e tunelit. Valbona Pepa pyet Jetmira Dervishin “ku je ti që the do e skualifikoje fituesin”, duke iu referuar kompanisë së turqve që morën tenderin për Llogaranë. Dervishi është marrë e padehur nga SPAK për shkelje të barazisë në tenderë, në cilësinë e anëtares së Komisionit të Vlerësimit të Ofertave (KVO).

Pjesë nga bisedat mes tyre

Në datën 01.10.2021, në orën 16:13, shtetasja Valbona Pepa i dërgon shtetases Jetmira shpall fituesi Turku me gjoken”.

Në orën 16:14, Valbona Pepa: “Ok Si duket sit Ka gjo ne terezi”. Në orën 16:15, Jetmira Dervishi: “Do e flasim te henen”. Në orën 16:15, Valbona Pepa: “Djale a vajze Deri te henen ohuuuu”. Në orën 16:16, Jetmira Dervishi: “Hahahah”. Në orën 16:21, Valbona Pepa: “Ku je ti qe do i skualf Kur them une”. Në orën 16:23, Jetmira Dervishi: “U argumentua ne grup meritonte”.

Në orën 16:26-16:28, Valbona Pepa: “Ta dish ti se qendron puna henen flasim E mos me bej kompetenten”. Në orën 16:28, Jetmira Dervishi: “Do e flasim te henen”. Në orën 16:28, Valbona Pepa: “Ciao”, Në orën 16:28, Jetmira Dervishi: “Se ta dish ti si qendron puna. Në orën 16:28-16:30, pra Valbona Pepa: “PoQe nga emri e kuptova Sekretim Dolet ju E bera ne sistem”. Në orën 16:31, Jetmira Dervishi: “Po po dolem Se une po iki Jemi per dreke”.

1...798081...940Faqja 80 nga 940

POSTIMET E FUNDIT