Shkruan Zef Ndreka
Deklarata i la pa fjalë. Ndërkohë papagajt e Berishës edhe pse nuk e prisnin një deklaratë të tillë, vazhdojnë të zbërthejnë në formën e tyre deklaratën që sipas tyre: “Amerikanët nuk uruan fituesin, por popullin”!
Por çdo të thotë kjo?
Kjo do të thotë se ky është qëndrimi më i drejtë i SHBA-ve për zgjedhjet në Shqipëri.
Një deklaratë në dukje e thjeshtë, me pak fjalë, me shumë domëthënie, pa asnjë dilemë dhe pa rezerva.
Me ne fund “Amerika u shpreh dhe Non Grata u rishkreh” !
Sigurisht që deklarata nuk kishte rezerva mbasi
nëse do të kishte rezerva për zgjedhjet e 11-Majit, SHBA-të nuk do të uronin, por do të mbanin një tjetër qëndrim.
Pra qëndrimi i tyre mund të ishte më i ashpër, ose mund ta kalonin me heshtje atë që pretendohet nga opozita se ndodhi në Shqipëri ditën e zgjedhjeve.
Në këtë situatë, opozita “luftarake e Non Grat-ës ” nuk mori atë që priste nga qëndrimi amerikan për zgjedhjet.
Ashtu siç nuk mori as heqjen e statusit non grat-a për Berishën apo ndonjë mesazh mbështetjeje para zgjedhjeve, apo ti organizonte atë vizitën e bukur në Washington që e fabrikuan me shokun Caputo!
Ashtu sikunër nuk korri atë që mbolli me kaubojsin LaCivita që iku me bisht në shalë por me xhepat me dollarë!
Bravo i qoftë!
Nga ana tjetër Rama mund të jetë i kënaqur me faktin se pala amerikane shprehet se: “presim të vazhdojmë përtneritetin tonë të ngushtë me Shqipërinë”.
Ky është një mesazh jo edhe aq i koduar e i vështirë për t’u kuptuar, se amerikanët presin vijimësinë e jo diçka tjetër.
Pra: SHBA-të njohin rezultatin e zgjedhjeve dhe presin të vijojnë bashkëpunimin me qeverinë!
Në këto kushte, Amerikanët i kanë vendosur kapakun një etape dhe nuk e di sa do të merrën me interesat e brëndshme politike në Shqipëri, sidomos të opozitës apo më saktë të PD-së, deri sa të rinovohet ose të shkatërrohet plotësisht ajo.
Ose mbas kësaj rishkrehjeje të non grat-ës, do të merrën më fshatçe me ata që mungojnë në mesazhin e këtij urimi!
