Shkruan Mimoza Meço Lazri
Shenjtëria e emrit tënd
Ndërsa besimtarët i falen këtij shenjti të bekuar,
unë falënderoj Zotin që të fali ty,
në kishë, me qirinj të ndezur ndër duar,
shenjtin Shna Ndue e lusim bashkë të dy.
I falemi për momentin që të solli në jetë,
iu falemi prindërve që të vunë emrin e tij,
unë i falem aq shumë për atë ditë të shenjtë,
kur më ndriçoi rrugën e më solli tek ti.
Me këtë emër të shenjtë unë të thërras çdo ditë,
me emrin tënd tek unë lulëzon dashuria,
me emrin tënd në kishë ndez e heshtur qirinjtë,
në flakën e tyre shndrisin paqja e lumturia.
(Gëzuar ditën e emrit shpirti im)
Moza jote!
Promoted Content
