Një incident është shmangur në Parlament e RMV-se, ku vazhdon diskutimi i ashpër dhe kaotik mes deputetëve të qeverisë dhe opozitës për propozimin francez për kuadrin e negociatave.
Deputeti i partisë “E Majta”, gjithashtu u ka bërë thirrje deputetëve shqiptarë të mos e mbështesin propozimin francez sepse sipas tij do të hapet kutia e Pandorës dhe më pas shqiptarët nuk do të kenë të drejtë morale të ankohen kundër majorizimit.
Apasiev shtoi se me kalimin e propozimit francez, problemet ndër etnike do të dalin në pah sepse sipas tij, partitë shqiptare po vërtetojnë se janë kundër interesave të popullit maqedonas. Teksa ka shkuAr në foltore, një prekje me dorë ka provokuar “grricje” mes dy kolegëve.
Ndërkohë, mesditën e kësaj të shtune në orën 12.00 është lajmëruar protestë para Kuvendit të Maqedonisë. Organizatorët kanë bërë thirrje, që të dalin qytetarët në protestë kundër bullgarizmit të vendit, kundër përdorimit të fusnotës për gjuhën maqedonase si dhe kundër rishqyrtimit të librave shkollorë nën diktim të Bullgarisë.
