Presidenti i Koresë së Jugut, Yoon Suk Yeol është bërë presidenti i parë në detyrë i vendit që është arrestuar, duke i dhënë fund një përplasjeje disajavore mes hetuesve dhe sigurimit të tij personal.
Yoon, përpjekja e dështuar e të cilit për të vendosur ligjin ushtarak e zhyti vendin në trazira dhe e pa atë të fajësohet nga parlamenti, po hetohet me akuzat për kryengritje.
Megjithatë, teknikisht ai është ende presidenti, pasi një gjykatë kushtetuese duhet të vendosë nëse shkarkimi i tij është i vlefshëm.
Personeli i Shërbimit të Sigurisë Presidenciale (PSS) kishin ngritur barrikada në një përpjekje për të penguar arrestimin e tij, por sërish ai u vu në pranga.
Avokatët e Yoon ishin përpjekur të bindnin hetuesit që të mos ekzekutonin urdhrin e arrestit, duke thënë se presidenti do të paraqitej vullnetarisht për t’u marrë në pyetje, por agjencia nuk pranoi.
Policia ishte përpjekur të hynte në zyrën zyrtare të presidentit për ta ndaluar atë, por ishte përfshirë në një përplasje me shërbimin e sigurisë së Yoon.
Disa orë më vonë qindra oficerë arritën në terrenin e pronës duke përdorur shkallët për t’u ngjitur mbi barriera.
Më herët policia tha se kishte vendosur 3200 oficerë për të ekzekutuar urdhrin e arrestit.
64 vjeçari Yoon, më parë ka shërbyer më parë dhe si Prokuror i Përgjithshëm.
Yoon u pezullua nga detyra më 14 dhjetor për shpalljen e gjendjes ushtarake, një masë që zgjati vetëm gjashtë orë, por futi Korenë e Jugut në kaos dhe më vonë u revokua nga parlamenti.
Arrestimi i tij ndodhi pas një ndërhyrjeje masive të forcave të sigurisë, ku rreth 3,000 policë çanë barrikadat dhe telat me gjemba për të hyrë në rezidencën presidenciale.