Kryeministri Edi Rama ka zhvilluar sërish një vizitë në qytetin e Vlorës këtë të mërkurë, duke zgjedhur kësaj here një mjet të pazakontë transporti – një helikopter ushtarak tip “Cougar”.
Zbritja është kryer në ish-fushën e aviacionit, prej nga ku më pas Rama është shoqëruar me eskortë drejt vilës qeveritare. Kjo vizitë vjen pas asaj të datës 3 korrik, kur kryeministri pati një qëndrim kritik ndaj Bashkisë Vlorë.
Ende nuk është e qartë nëse vizita e sotme ka një karakter pune, apo Rama ka zgjedhur të kalojë disa ditë pushimi në vilën qeveritare.
Burimet nuk përjashtojnë mundësinë që kjo vizitë të jetë e lidhur me ndonjë inspektim të befasishëm apo zhvillime të fundit në drejtimin e Bashkisë nga Ermal Dredha.
Promoted Content
