Hidrocentrali Tre grykat në lumin Yangtze të Kinës ka prodhuar mbi 1.6 trilionë kWh energji elektrike në 20 vjet, qëkur njësia e tij e parë gjeneruese u vu në punë për të prodhuar energji elektrike në korrik 2003, treguan të dhënat zyrtare, njofton “Xinhua”.
Energjia e pastër e prodhuar nga ky hidrocentral në dy dekadat e fundit vlerësohet të jetë e barabartë me energjinë elektrike të prodhuar nga më shumë se 480 milionë tonë qymyr standard dhe redukton emetimet e dyoksidit të karbonit me 1.32 miliardë tonë, duke ndihmuar Kinën të ndërtojë një mjedis të pastër, sistem energjetik me karbon të ulët, të sigurt dhe efikas.
Me 34 turbo-gjeneratorë, hidrocentrali ka një kapacitet të kombinuar gjenerues të energjisë prej 22.5 milionë kilovat dhe një prodhim vjetor të projektuar të energjisë prej 88.2 miliardë kWh.
Hidrocentrali, i konsideruar si burimi kryesor i sistemit elektrik të Kinës, transmeton energji elektrike të pastër kryesisht në Kinën lindore, qendrore dhe jugore.
