Shkruan Zef Ndreka
Hijena janë shumë në Shqipëri. Të shpërndarë në të gjitha krahët, majtas e djathtas.
Tashmë njihen me emra e mbiemra. Më kot veshin lëkurën e qëngjit, kur në fakt janë ujqër.
Pangopësitë e tyre janë lukuni më vete për çdo njërin. Janë të shpallur non grata nga Amerikanët dhe Britania e Madhe si Berisha me miqt e tij, janë të kapur në vjedhje pas vjedhjesh, si Meta e Rama me bashkëpunëtorët e tyre.
Këto janë simbiozat e elitës së sotme politike të foltorës, të partisë së Lirisë, të qeverisë dhe të krimit të organizuar.
Këto hijena e kanë shqyer e bërë capash këtë vënd.
Dhe po e rrënojnë po ashtu shoqërinë shqiptare. Po rrënojnë shtetin, ekonominë e vëndit, dhe më kryesorja të ardhmën dhe shpresën për jetë normale .
Asnjë shërbim e asnjë shpresë nuk sheh realisht rinia në këtë vënd.
Konçensionet disa vjeçare, PPP-të, e kanë shkatërruar ardhmërinë e vëndit.
Gjithashtu edhe dhënia e aseteve publike si benefice politike militantëve të partive, miqve, kushërinjëve.
Në këto kushte, Shqipërisë i vjen në ndihmë Projekt Ligji Amerikan i dy partive, PD dhe PR.
Ky projekt ligj dy partiak, është një nga veprimet politiko-juridike më të rëndësishme të SHBA-ve, për sigurinë dhe garancinë europiane të Shqipërisë dhe Ballkanit Perëndimor!
Është detyrë parësore e politikës shqiptare, t’a analizojë mirë këtë angazhim amerikan.
Duke e zbërthyer dhe aplikuar mirë, pasi është një përpjekje shumë e fortë, e gjithanshme amerikane për të zhdukur mafien dhe pengmarrësit e vëndit. Është gjithashtu një barrikadë , një mur dhe stopim i fortë për Rusinë dhe mbështetësve të saj. Kështu , Rusisë i vihet kufiri tek thana!
Me këtë angazhim të qartë amerikan , e shikoj të rrëzuar qeverinë Rama 3 .
PD , duhet të jetë sa më e bashkuar dhe e qartë të marrë përsipër detyra konkrete në një qeveri tranzicioni , apo teknike .
Projekt ligji i Kongresit Amerikan për Ballkanin Perëndimor konsiston në:
1- Investime direkte amerikane.
2 – Fund pandëshkueshmërisë në nivelet më të larta politike.
3- Kordinim me partnerët europian: BE dhe Mbretërinë e Bashkuar në luftë kundër korrupsionit dhe krimit të organizuar.
Këto , do të mund të realizohen vetëm përmes
Qeverisë së tranzicionit ose Qeverisë teknike , deri në fund të këtij viti për të kryer :
a . Reformën zgjedhore.
b . Reformën territoriale.
c . Luftë kundër krimit të organizuar.
d . Negociata me Bashkimin Europian.
Pra, muajt në vazhdim të këtij viti, falë ndihmës dhe diplomacisë amerikane, britanike dhe europiane, do të rrisin nivelin e demokracisë, që të zhduket varfëria, të mos kemi më institucione të kapura dhe të kemi një shtet të drejtë e të standartit europian.
Skandalet që kanë bërë hijenat e politikës, dëmet që i kanë shkaktuar shqiptarëve dhe vëndit, i përgjigjet dhe i shkallmon ndërhyrja amerikane, Projekt Ligji i ri.
Krahas shkatërrimit të mafies ekonomike e politike, në Shqipëri shumë shpejt do të lëvizin reformat dhe do të vihen në lëvizje mekanizmat dhe ingranazhet e ndryshkura demokratike në vënd.
Kështu, Shqipëria në mënyrën më të pa shmangshme do të ingranohet menjëherë në BE.
Promoted Content
