Mali i Zi aktualisht nuk ka ambasadorë në 18 vende. Të dhënat janë publikuar në faqen e Ministrisë së Punëve të Jashtme.
Sipas të njëjtave të dhëna, Mali i Zi ka ambasadorë në Belgjikë, Francë, Greqi, Itali, Rumani, Federatën Ruse, Maqedoninë e Veriut, Turqi dhe Ukrainë.
Sipas Kushtetutës së Malit të Zi, Presidenti emëron dhe shkarkon ambasadorët dhe shefat e misioneve të tjera diplomatike jashtë vendit me propozimin e qeverisë dhe me mendimin e komisionit të Kuvendit përgjegjës për marrëdhëniet ndërkombëtare.
Zëvendësimi i një numri të madh të ambasadorëve të emëruar nga qeveria e Gjukanoviçit ishte një nga lëvizjet e para të Qeverisë së 42-të të ish-kryeministrit Zdravko Krivokapiç.
Nga ana tjetër, kreu i shtetit, Milo Gjukanoviç, refuzoi të miratojë shumicën e ambasadorëve të propozuar nga qeveria.
Edhe sot, gati dy vjet pas emërimit të qeverisë së parë situata nuk ka ndryshuar.
