Kryepeshkopi i Shqipërisë, Anastas Janullatos, ndërroi jetë sot në moshën 95-vjeçare. Ai u nda nga jeta në orën 08:30 të mëngjesit pas një periudhe të gjatë nën kujdesin e mjekëve në spitalin e Athinës.
Kryepeshkopi Anastas ishte një figurë kyçe në rinovimin dhe forcimin e Kishës Ortodokse në Shqipëri pas periudhës komuniste. Ai ka udhëhequr me devotshmëri besimtarët dhe ka pasur një ndikim të madh në përmirësimin e marrëdhënieve ndërfetare dhe zhvillimin e institucioneve fetare dhe edukative.
Anastas Janullatos lindi në Greqi dhe u emërua Kryepeshkop i Shqipërisë në vitin 1992, pas rënies së regjimit komunist që kishte ndaluar për një kohë të gjatë aktivitete fetare në vend.
Përmes udhëheqjes së tij, Janullatos kontribuoi në rindërtimin e shumë kishave dhe manastireve të shkatërruara gjatë diktaturës, si dhe në restaurimin e institucioneve fetare.
Ai gjithashtu luajti një rol të rëndësishëm në përmirësimin e marrëdhënieve ndërfetare në Shqipëri dhe zhvillimin e edukatës fetare. Janullatos ishte një ndihmues i fuqishëm për bashkëjetesën dhe dialogun ndërfetar, duke e bërë Shqipërinë një shembull të harmonisë fetare.
Promoted Content
