Kreu Blog Faqe 69

Si lypsar

Nga
Shqiperia Etnike
-
0

Shkruan Veronike Shkreli Pepushaj

Si lypsar

U rrek shqiptari deri në këtë prag
Si farë mbollën djallin e u harlis i marri
Dhe shih sot, ne mbetëm si zogu i truar
Në dorë të kopilsë, matrapazë të shquar.

Me vite po sillemi në vend-numëro
Si lypsar të pa fat, të mbetun rrugëtar
Lypim a kërkojmë të drejten e shenjtë
Që na e kanë marrë, njerzit e padenjë.

Lypsarë pa kurrfarë vlere të bajn,
E britmen tande me jehonë e përçmojnë
Shqiptarë, jetesen ta banë pazar
Në votren tande, të kanë var për kurban.

Hej i shkreti ti që jeton si i mjerë
Arroganca, me qefë të përqeshë
Të kanë zhgërrye edhe frymëmarrjen
Brinjët ti numërojnë, si deles me brengë.

Mos thoni gabohesh, se po bani mëkat
Të zezën e zezë me marifet e zbardh
Që si lypsarë, kënaqet me të trajtu
Se ashtu jeton i qetë, si zot përmbi ju.

Si lypsar ti po jeton, o shqiptar
Ngado dorë shtrirë, për një të drejtë
U stërmundove të keshë pak dinjitet
Duron ato grimca, mbi kokë ti përsheshë.

Po në vatren tande, si me mbet lypsar?
Në dejet e tua a rrjedh gjak shqiptar?
Apo durimit të shkretë, i ngriu nga halli
Se besimi na vrau, që ja dhamë lugatit.

Ilir Meta: “Kam detaje të panjohura, dua të dëshmoj për ‘21 Janarin’”

Nga
Shqiperia Etnike
-
0

Protesta e 21 janarit 2011, ku mbetën të vrarë 4 qytetarë përpara godinës së Kryeministrisë, u thirr nga opozita e kohës pas publikimit të video-përgjimit të Ilir Metës, ku ai shfaqej në një bisedë me ministrin Dritan Prifti, ndërsa përmendej edhe një shifër prej 700 mijë dollarësh.

14 vite pas demonstratës së dhunshme, ish-presidenti Ilir Meta i është drejtuar Prokurorisë së Posaçme me kërkesë për t’u thirrur dhe pyetur si person në dijeni lidhur me rrethanat e ngjarjes.

“Unë, Ilir Meta, duke qenë se kam dijeni dhe mund të jap dëshmi të vlefshme për rrethanat e asaj ngjarjeje, dëshmi të cilat nuk janë të njohura nga organi procedues dhe që mund t’i shërbejnë për të zbardhur ngjarjen”, thuhet në kërkesën drejtuar prokurorit të posaçëm Alfred Shehu.

SPAK po heton për akuzat e “vrasjes për shkak të cilësive të veçanta të viktimës”, shpërdorim detyre dhe veprime që pengojnë zbardhjen e së vërtetës. Në kuadër të këtij hetimi, SPAK ka marrë pas një dekade e gjysmë dëshminë e ish-kryeministrit Sali Berisha dhe ish-ministrit të brendshëm Lulzim Basha.

Më 21 janar në Bulevardin “Dëshmorët e Kombit” u vranë Faik Myrtaj, Ziver Veizi, Hekuran Deda dhe Aleks Nika. Për vrasjen e Myrtajt dhe Veizit janë dënuar me 1 vit burg ish-kreu i Gardës Ndrea Prendi dhe me 3 vite burg ish-gardisti Agim Llupo. Dy vrasjet e tjera kanë mbetur pa autorësi.

Related

Pezullimi i Ballukut, nuk ka unanimitet në kolegj, çështja kalon në mbledhje gjyqtarësh

Nga
Shqiperia Etnike
-
0

Çështja e pezullimit të zëvendëskryeministres Belinda Balluku nga detyra po shqyrtohet këtë të martë në Gjykatën Kushtetuese. Pas kolegji nuk pati unanimitet për kalimin apo jo në seancë, çështja ka kaluar në mbledhje gjyqtarësh, ku do të vendoset nëse ankimi i Kryeministrit do të do të shqyrtohet në themel, ku një nga kërkesat e para që kërkon zgjidhje, është rrëzimi i masës së sigurisë të pezullimit të Belinda Ballukut.

Me firmë të kryeministrit Edi Rama, më 21 nëntor Këshilli i Ministrave çoi për apelim në Gjykatën Kushtetuese vendimin e Gjykatës së Posaçme për pezullimin nga detyra të ministres së Infrastrukturës dhe Energjisë, njëherazi zëvendëskryeministre. Katër janë kërkesat e qeverisë, që si fillim kërkon nga “Kushtetuesja” të ndajë se ku fillon e ku mbaron “pushteti i drejtësisë” nga njëra anë dhe “pavarësia e ekzekutivit” nga tjetra, shkruan A2.

Gjykata e Posaçme e Shkallës së Parë për Korrupsionin dhe Krimin e Organizuar vendosi të shtunën më 22 nëntor të vazhdojë zbatimin e masave të sigurimit personal të caktuara ndaj zëvendëskryeministres Belinda Balluku, për pezullim nga detyra dhe ndalim të daljes jashtë shtetit të saj, pas marrjes së pandehur nga ana e SPAK për shkelje të barazisë në tendera.

Ndërkohë Balluku ka ankimuar të martën në Gjykatën e Posaçme të Apelit vendimin e Shkallës së Parë për pezullimin e saj dhe masën tjetër të sigurisë, atë të “daljes jashtë vendit”. Në Apel, Balluku kërkon prishjen e vendimit të shkallës së parë dhe shfuqizimin e masave të caktuara ndaj saj.

Iris Luarasi bëhet sheike me 5 apartamente, 60 mijë euro paga e konsulenca vjetore

Nga
Shqiperia Etnike
-
0

Deputetja e Partisë Socialiste Iris Luarasi posedon 5 apartamente bashkë me bashkëshortin Enno Alimerko me burim kredi bankare, të ardhura nga pagat, konsulenca dhe trashëgimi. Zonja Luarasi deklaron dy apartamente në pronësi 100 %, me sipërfaqe 97 m2 dhe 136 m2, me vlerë 100 mijë euro dhe 120 mijë euro, me burim kredi bankare.

Deputetja Luarasi deklaron edhe dy apartamente në pronësi 50 % dhe 31 %, me sipërfaqe 95 m2 dhe 65 m2, me vlerë rreth 80 mijë euro dhe 72 mijë euro, me burim kursime dhe trashëgimi.

Bashkëshorti i deputetes Luarasi, Enno Alimerko, deklaron një apartament 100 % në pronësi të tij, me sipërfaqe 105 m2, me vlerë 140 mijë euro, me burim ‘trashëgimi’.

Të ardhurat nga paga dhe konsulenca të zonjës Luarasi rezultojnë mbi 60 mijë euro në vit. Të ardhurat që burojnë statusi i deputetit janë 50 % më pak se sa të ardhurat e deklaruara nga Luarasi si pedagoge dhe aktiviste e shoqërisë civile.

Ndëkaq, çifti deklaron rreth 30 mijë euro të ardhura nga qiratë. Në total të ardhurat vjetore rezultojnë mbi 100 mijë euro. Deputetja e Partisë Socialiste Iris Luarasi posedon një makinë me vlerë 24 mijë USD. Luarasi deklaron disa llogari bankare me vlerë që në total rezultojnë mbi 80 mijë euro.

Veprim i zakonshëm, manovër e jashtëzakonshme!

Nga
Shqiperia Etnike
-
0
Ministrja per Sipermarrjen dhe klimen e Biznesit, Delina Ibrahimaj duke folur per gazetaret perpara Kryeministrise, pas nje mbledhjeje qeverie, ne lidhje me vendimet e miratuara./r/n/r/nMinister for Entrepreneurship and Business Climate, Delina Ibrahimaj speaking for journalists in front of the Prime Minister's office, after a government meeting, regarding the approved decisions.

Shkruan Zef Ndreka

Para dy javësh, ministrja Ibrahimaj iu ka deleguar kompetencat e saj tek katër zëvendësministrat.
Ky akt i saj nuk është dorëheqje formale, por sjell disa efekte politike dhe institucionale që e afrojnë situatën me një neutralizim të funksioneve të saj.

Nisur nga ky fakt, lind pyetja:
Çfar tregon delegimi i plotë i kompetencave tek zv/ministrat?

Delegimi i kompetencave të plota është sinjal i qartë pasigurie dhe presioni nga SPAK-u.
Kur një ministër, në mënyrë të pazakontë, iu kalon pothuajse të gjitha kompetencat vendim marrëse zëvendësministrave, është një shenjë se po përgatiten për masa juridike ndaj saj, ndaj ajo nuk dëshiron të firmosë akte që mund ta ekspozojnë më tej.
Ministrja Ibrahimaj po përpiqet kështu të mbroj veten duke shmangur përgjegjësinë direkte administrative.
Ky nuk është veprim i zakonshëm, por është një manovër e jashtëzakonshme, që tregon krizë besimi në marrëdhënien me opinionin publik dhe qeverinë.
Ky veprim tregon që ministrja e di që pozicioni i saj është i brishtë. Por edhe Kryeministri gjithashtu del i ekspozuar nga këto delegime kompetencash, kur po shohim tashmë një ministre që ruan pozicionin vetëm në emër, por jo me funksion real.
Ky veprim i saj mund të konsiderohet paralajmërim për largim nga detyra.
Në politikë, delegimi i gjerë i kompetencave bëhet zakonisht vetëm kur ministri pret arrestim, pret pezullim nga gjykata, ose përgatitet për dorëheqje të detyruar.

Pyetja tjetër që vjen:
A duhet konsideruar dorëheqje ky veprim i saj?

Teknikisht, ministrja nuk ka dhënë dorëheqje, pavarësisht se dorëheqja mbetët akt formal dhe depozitohet me shkresë zyrtare të cilën e pranon Kryeministri dhe më pas Presidenti.
Faktikisht, ministrja ka dhënë dorëheqje e cila mund të quhe dorëheqjeje funksionale, sepse
ministrja nuk firmos më dhe nuk ushtron më pushtet as përgjegjësi.
Të gjitha vendimet i marrin të tjerët në emër të saj dhe Ibrahimi sot është ministre vetëm në titull, por pa bërë dorëheqje juridike.
Delegimi i kompetencave të ministres Ibrahimaj tek katër zv/ministrat, sigurisht do shfaqi pasoja të menjëhershme sepse ka vetëndodhur
dobësimi politik i ministres dhe ajo është qartazi në dalje.
Por ky veprim dobëson edhe qeverinë duke treguar panik dhe mungesë kontrolli.
Ky veprim i ministres tregon qartë rritje të presionit të SPAK-ut dhë është sinjal se hetimet janë të avancuara.
Por më tej, ky veprim i saj tregon rritjen e dyshimeve publike, ku një ministre që nuk guxon të firmosë, është në vështirësi serioze.
Delegimi i kompetencave duket se mund të jetë akt vetë-mbrojtës, por më tepër është shenjë frike nga pasojat penale, është shenjë paralajmëruese e largimit, është qartazi neutralizim i rolit të ministres.
Pra ministrja ka hequr dorë nga ushtrimi i detyrës, por nuk ka dhënë ende dorëheqje…

Intervistë me Prof. Pëllump Pilinçi në TV Shpresa. 01/12/2025, hajdutët qeveritar drejt burgut

Nga
Shqiperia Etnike
-
0

Edi Rama nën shënjestrën e Donald Trump, i lidhur me Mafian

Nga
Shqiperia Etnike
-
0

Shkruan Basir Çollaku

Media meksikane, në një dosier i rikthehet mafias shqiptare dhe lidhjeve të saj me politikën e pushtetin.

Luftar Hysa pjesë e kartelit “Sinaloa” në Meksikë, është nyja lidhëse edhe me kryeministrin Edi Rama, të cilin ai e ka takuar, e më pas bizneset e tij, nën akuza federale, pastrimi miliona eurosh, morën një tjetër zhvillim në Shqipëri.

Kur shtypi më herët zbuloi lidhjet e kartelit me bandën shqiptare, Rama u hodh në mbrojtje agresive të miqve të tij të “ndershëm” që ai kishte pritur në zyrë me personin B, këshilltarin e tij, në historinë e dosjes së Charles.

Vajti deri në rrjedhjen psikike të zakonshme kur përballet më të vërteta djegëse, sa tha se …”doli një artikull atje dhe mbushet gjithë rrjeti i kanaleve të vatanit këtu me një llumhane që nuk di si i bëhet për ta frenuar”.
E vërteta vonon por nuk harron. Kanalet e llumhanevë paskan pasur të drejtë, ndërsa shënjestra e tyre jo. Kur gazetari italian i Rai Tre e pyeti KM rrëfeu një histori bajate biznesi si sportelist informacioni për taksat e mjedisin.

Hysa sipas hetimit të Washingtoni ishte pjesë e një rrjeti kazinosh të pastrimit të parave, në lidhje me kartelin e drogës. Kjo solli nga presioni amerikan të mbyllen mbi 10 kazino në Meksikë, ku u prekën edhe bizneset e lojërave të fatit të familjes Hysa, si akuzë për lidhjet me trafikun.

Media meksikane shkruan mes të tjerash se, “në mes të kaosit, mësuan se Ministria e Brendshme po përsëriste të njëjtën manovër me 10 biznese të tjera të së njëjtës familje: një bastisje e sinkronizuar nga Baja California deri në Sinaloa…”

Prokuroria e Përgjithshme me presionin e Shtëpisë së Bardhë, kishte mësyrë dyert e bizneseve të akuzuar, siç pretendonte zyra e kontrollit të aseteve të huaja. Ata, familja Hysa, dyshohen prej vitesh në këtë lidhje me kartelet e pastrimit të parave të kartelit Sinaloa. E tani atje, ato biznese, janë mbyllur me urdhër të presidentit Trump. Mafia shqiptare është nën hetim nga SHBA.

-A e dinte Edi Rama kur priti Luftar Hysën, se kë po priste në zyrë?

-A kërkoi ai informacion për origjinën e bizneseve të tij në Meksikë?

-A kërkoi të dhëna ngaqë prej vitesh ata, familja Hysa, akuzoheshin në disa shtete si pastruesh parash të kartelit ndër më të mëdhenjtë të drogës, me lojëra fati dhe ndërtime ?

Ai kërkoi pikërisht zgjerimin e këtij biznesi. Po agjencitë e tjera të shërbimeve dhe zbatimit të ligjit, asgjë nuk dinin?

-A ishte Rama arsyeja e mbylljes së gojës së tyre?

-Po sot, a ka hetime për këtë sanksion të ndërmarrë tani nga Departamenti i Thesarit, për biznese të mbyllura të këtij rrjeti? Hysaj tashmë është shënjestër e lëvizshme.

Ai tërheq hetuesit kudo ka shkuar e ka përfituar për të ndërtuar skemën e tij të pastrimit. E një nga ndalesat është kryeministri, zyra pritëse e favorizuese më pas.

Ndaj Rama është një nga shënjestrat e Trump në luftën ndaj bandave terroriste të narkotikëve. Kjo u provua edhe në urimet e Trump dhe Rubio ditën e pavarësisë, ku kërkohej cilësisht lufta ndaj krimit të organizuar e karteleve të kokainës e atyre që bashkëpunojnë. E më pas dosjet vetëm shtohen.

-A do të përgjigjet Rama se kush ishte në Aruba në 2019-tën, në samitin e kokainës?

-A do të përgjigjet nëse është takuar me Artur Shehun, një ndër të akuzuarit në shumë dosje të trafikut të drogës, por edhe investitor i madh me leje të Ramës në bregdet?

-A do të pranojë edhe biseda, takime me shumë emra të botës së Mafias vendase e ndërkombëtare, të kthyer më pas në investitorë strategjikë në Shqipëri?

Sky-enchro kanë material të pafundme. Ai, kreu i organmizatës, njëherësh qeverisë, mund të mohojë tashmë gjithçka, sepse është në shenjestër çdo orë të qëndrimit në zyrën e KM. Në atë zyrë të pushtuar nga kokaina.

Deri një ditë të afërme.

Një ditë kur përgjime, mesazhe, video, dëshmi, të penduar, të hidhen në tryezën e tij. Balluku ndonëse vjedhje e çmendur marramendëse me dhunë bashkë me shefin, është halli shpartallues. Por është i vogël, krahasuar me shënjestruesin e Shtëpisë së Bardhë nga Uashingtoni.

Ai, është hall i madh i të dyve, i të treve, i të gjithëve.. Organizatë kriminale, është akuzë zyrtare amerikane, e cila do të përkthehet në shqip së shpejti, nga zyra e “përkthimeve” të dosjeve në SPAK.

Altin Dumani mbron Irenën me 5 mbiemra, duke përdorur manovrën e hetimeve paraprake

Nga
Shqiperia Etnike
-
0

Kreu i Partisë Demokratike, Sali Berisha Deklaroi sërish se Altin Dumani po e mbron gjyqtaren Irena Gjoka, së cilës kryedmeokrati i referohet edhe si gjyqtarja me 5 mbiemra, duke përdorur manovra të ndryshme ligjore, siç është ajo për hetimet paraprake. Sipas Kryedemokratit, Dumani si një skllav i veprave të tij, është i detyruar të sillet në këtë mënyrë, të poshtërojë veten dhe të shndërrohet nga prokuror në avokat.
“Me 6 maj 2025 del prokura e vitit 2003, pra një ditë pasi kishte mohuar, pasi kishte thënë që nuk kam qenë kurrë e dënuar, doli prokura të cilën Irena me shumë mbiemra e kishte lëshuar për të marrë avokat në Fier që të kundërshtonte vendimin e dëbimit nga Greqia. Pra, bie absolutisht alibia që nuk kishte dijeni. Për të gjithë ju, për të gjithë shqiptarët, por jo për Altin Troplinin, i cili skllav i veprave të tij, është i detyruar të sillet në këtë mënyrë, të poshtërojë veten dhe të shndërrohet nga prokuror në avokat.

Me 7 maj 2025, Altin Troplini, Poja e Skapit, deklaron fillimin e hetimeve paraprake, hetimit mburojë për të mos lejuar shkarkimin e saj. Për të mos lejuar veprimet administrative ndaj saj, pasi thotë se unë po e hetoj këtë.
A ka akt më të turpshëm? A ka akt më kriminal se sa ky? Duke qenë para të gjithë këtyre dokumenteve, shpall hetim paraprak siç shpalli për McGonigal, Olsi Ramën, për Kreshnik Farrukun, pasi sipas qytetarit dixhital, u pagua me 5 milionë euro që të falsifikojë identitetin e tij për vëllain e tij.

Tani, a ka paguar Irena qindra mijëra euro Altin Farrukut, apo e bën se e ka urdhëruar Edi Rama, këtë unë nuk mund ta them. Por pozicioni i tij është pozicioni më i shëmtuar i një njeriu pa dinjitet, pa personalitet dhe zbaton ose urdhrin e parave ose urdhrin e Edi Ramës. Me 8 maj i kërkova KLGJ-së shpalljen e mbarimit të mandatit të Irenës me 5 mbiemra. Maj-qershor 2025, ndonëse ligji e detyron KLGJ-në të vendosë për 15 ditë për mbarimin e mandatit, vijon loja e kungulleshkave.

KLGJ i kërkon Prokurorisë së Përgjithshme të shprehet, ajo fshihet pas Ministrisë së Drejtësisë dhe nuk ka asnjë konkluzion. Turp i dheut. Qersho 2025, del se Irena Gjoka jo vetëm pra është dëbuar dy herë nga Greqia dhe ka lëshuar prokurë për të kundërshtuar, ka dënim penal të formës së prerë, ka falsifikuar formularin e dekriminalizimit, ka gënjyer dhe ka falsifikuar vetingun, megjithatë ajo vazhdon detyrën e mbrojtur gjoja në hetim paraprak nga Poja i Skapit. Nuk ka figura më të diskredituara sot se këto dy figura,” tha Berisha.

“Vizita” në skenat italiane / Shfaqja e Davide Iodices përmbyll vitin me një tur prestigjioz në Itali

Nga
Shqiperia Etnike
-
0

Pas suksesit të vazhdueshëm në skenën shqiptare dhe jashtë vendit, drama “Vizita” me regji të Davide Iodice do të përmbyllë vitin 2025 me një tur të gjerë në disa prej teatrove më të rëndësishëm italianë.

Rita Gjeka, një prej protagonisteve të shfaqjes, thotë se ky tur përbën një arritje të madhe për teatrin shkodran dhe për gjithë ekipin që e ka shndërruar atë në një përvojë poetike dhe prekëse në çdo skenë.

Ndonëse shfaqja luhet në gjuhën shqipe, publiku i huaj krijon një lidhje të fortë emocionale me të, falë temës universale dhe mënyrës së interpretimit sipas Gjekës.

“Vizita” është drama që bazohet në historinë e një engjëlli që zbret në Tokë dhe përballet me përçmimin dhe paragjykimet e njerëzve, si “i huaj, i ndryshëm e i deformuar”, duke ofruar një reflektim të thellë mbi natyrën njerëzore dhe pranimin e tjetrit.

Përplasja me ekzekutivin dhe parlamentin bëhet e pashmangshme

Nga
Shqiperia Etnike
-
0

Shkruan Zef Ndreka

Nuk ka ndodhur më parë, mbase në asnjë vënd të Europës, që një gjykatë të ndërhyjë menjëherë dhe papritmas në pezullimin e një Zv/kryeministri, pa kërkesë më parë në parlament, pa kërkuar heqje imuniteti.
Ky rast është vertetë i pa preçedent dhe debati mbi kompetencat e SPAK-ut ka hapur një nga diskutimet më të ndërlikuara të shtetit të së drejtës në Shqipëri.
Lindin pyetjet:
Ku mbaron pushteti gjyqësor dhe ku fillojnë kufijtë e ekzekutivit e legjislativit?
A e tejkaloi SPAK kompetencën?
Shumë ekspertë juridikë e kanë parë vendimin për pezullimin e një zv/kryeministre e cila është një figurë e rëndësishme ekzekutivit, e emëruar nga Kryeministri dhe e dekretuar nga Presidenti, si veprim që prek balancën e pushteteve.
Si argumenti i tyre, por edhe e Kryeministrit Rama, është vendosja e masave që prekin ushtrimin e funksionit ekzekutiv, sidomos kur nuk ka rrezik real për pengim të hetimit.
Dhe ky rast mund të konsiderohet si hyrje në territorin e kompetencave politike.
Kushtetuta e Shqipërisë nuk parashikon qartë çfarë ndodh kur një ministër akuzohet, përveç procedurave të përgjithshme penale.
Kështu, në mungesë të qartësisë kushtetuese, çdo vendim i SPAK-ut që ndikon drejtpërdrejt ekzekutivin vihet në qendër të debatit.
Megjithatë, nga ana tjetër, mbështetësit e vendimit thonë se asnjë zyrtar publik pavarësisht funksionit, nuk mund të jetë i përjashtuar nga masat hetimore kur dyshohet për vepra që lidhen me detyrën.
Kështu, debati bëhet real në këtë rast.
Pyetja tjetër që vjen:
A duhej kërkuar “leje” nga Kuvendi?
Kjo është në të vertetë pika më e diskutueshme.
Në Shqipëri, imuniteti i ministrave është kufizuar. Deputetët kanë imunitet për arrestim, por jo për hetim.
Gjithashtu, ministrat nuk gëzojnë imunitet të posaçëm, përveç rasteve kur janë edhe deputetë. Ndaj juridikisht, SPAK nuk ka detyrim të kërkojë autorizim nga Parlamenti për të vendosur masa sigurie që nuk janë arrest, por pezullim nga detyra.
Por e parë politikisht dhe institucionalisht, kërkesa paraprake ndaj Kuvendit do të shmangte përplasjen dhe do të rriste transparencën, do të ruante ndarjen e pushteteve, do të shmangte perceptimin e ndërhyrjes në kompetencat ekzekutive.
Juridikisht, SPAK nuk ka detyrim, por fajtikisht do ishte më e drejtë që Parlamenti të përfshihej, qoftë dhe me një procedurë njoftimi ose raportimi.
Pyetja tjetër që vjen:
A kanë mbetur “zbuluar” institucionet e larta të shtetit?
Në këtë rast, të tre pushtetet, Kryeministri, Presidenti dhe Parlamenti, janë goditur në perceptimin publik, sepse Kryeministri u gjend mes respektimit të vendimit dhe akuzave ndaj GJKKO-së për tejkalim kompetencash. Ndaj doli sikur nuk kishte kontroll real mbi trupën e tij qeveritare.
Presidenti, që dekreton ministrat, u anashkalua plotësisht në proces.
Parlamenti, që sipas Kushtetutës ka rolin e kontrollit të ekzekutivit, duket jashtë loje, sepse nuk u pyet, nuk u njoftua, dhe nuk pati asnjë mekanizëm kontrolli institucional.
Në një republikë parlamentare, kjo krijon përshtypjen e një vakumi institucional, ku SPAK-u, si pushtet i pavarur, bie ndesh me ekzekutivin dhe legjislativin pa një mekanizëm që balancon ndërhyrjet.
Vazhdojmë me pyetjen:
Pse ndodh kjo në vendin tonë?
Kjo ngjarje ndodh tek ne, sepse Shqipëria është në një periudhë ku pushtetet janë ende të paqartë në vijat e tyre të ndara, dhe SPAK ka një mision të fortë publik dhe politik.
Po ashtu, Kushtetuta nuk parashikon qartë situata të tilla dhe forca e qeverisë ka dobësuar kontrollin real parlamentar.
Rezultati është një “dyzim” i shtetit, me një ekzekutiv të fuqishëm politikisht, dhe një drejtësi e fuqizuar institucionalisht, që herë-herë përplasen në kufijtë e kompetencave.
Për ta përmbledhur, mund të themi se rasti i Ballukut nuk është vetëm çështje juridike, por simptomë e qartë e një tensioni më të gjerë midis pushtetit gjyqësor dhe atij ekzekutiv. SPAK nuk ka shkelur ligjin në mënyrë eksplicite, por ka hyrë në një zonë gri ku përplasja me ekzekutivin dhe parlamentin bëhet e pashmangshme.
Një procedurë paraprake me Kuvendin edhe thjesht formale do të ruante balancën e pushteteve dhe do të shmangte përplasjet që tani duket si cenim i figurës së tre institucioneve kryesore të vendit.

1...686970...938Faqja 69 nga 938

POSTIMET E FUNDIT