Në një kohë kur SPAK po mer një e nga një të pandehur anëtarë të KPA-së dhe KPK-së,(Vettingut), prokurori i kësaj strukture Dritan Prençi vijon të qëndrojë me duart mes këmbëve, duke mos kryer një hetim të sinqertë dhe të thelluar për rastin e komisioneres Brunilda Bekteshi.

Ndryshe nga kolegët e tij në SPAK, të cilët kanë çuar të pandehur anëtarë të tjerë të “Vettingut”, Prençi dukshëm është i pafuqishëm dhe jo i guximshëm, për të çuar në ndjekje penale Bekteshin.

Megjithëse faktet janë domethënëse dhe kompromentojnë haptazi pozicion juridik të Bekteshit, Prençi vijon ta favorizojë këtë të fundit duke, sjellë në gjykatë pushimin e çështjes kundër saj për herën e dytë.

Palët e përfshira në këtë proces kanë investiguar rastin në fjalë dhe rezulton se përveç mangësive në hetimin e dosjes, prokurori Prençi ka lënë pa prekur disa detaje shumë domethënese, të cilat Bekteshi i ka nxjerë rrishtazi gjatë hetimit, për të mbuluar shpenzimet dhe pasurinë e saj.

Një ndër shpenzimet e padeklaruara në ILDKPI është dhe arsimimi i vajzës, e cila rezulton se kundrejt një pagese prej 9120 euro në vit, ndjek studimet në WAT.

Ky fakt nuk është deklaruar nga zj.Bekteshij në formularin e vetëdeklarimit dhe për pasojë, rasti përbën vepër penale, siç është fshehje e pasurisë dhe deklarim i rremë i pasurisë.

Deri në ditët e sotme nga të gjithë prokurorë e gjyqtarë të shkarkuar apo vettinguar, nuk ka pasur një rast që fëmijët e tyre të jenë arsimuar në një shkollë private, me një vlerë financiare të tillë, siç dhe deklaron komisionerja Bekteshi.

Brunilda Bekteshi, pavarësisht se ka bërë deklarim të rremë në vitin 2017, ajo ka vijuar të kryejë veprime kriminale, jo vetëm përpara strukturës së ILDKPI-së, por tashmë këtë gjë e ka bërë dhe përpara SPAK-ut.

Bekteshi ka depozituar dokumenta të falsifikuara si deklarata noteriale të lëshuara nga shteti amerikan, të cilat nuk janë deklaruar siç është burimi i krijimit të të ardhura pranë ILDKPI.

“Arnimi” i dosjes nga Dritan Prençi ka çuar në dhjetëra veprime hetimore të pakryera edhe pse janë lënë detyra të pikëzuara nga gjykata e posaçme.

Minimalja që prokurori duhet të bënte dhe të përmbushte detyrën e gjykatës, gjatë këtyre 5 muajve hetime, ishte pyetja e Bekteshit, të cilën nuk e ka bërë.

Por, e ka justifikuar me një memo që komisionerja Bekteshi i ka drejtuar SPAK-ut, duke mashtruar në çdo pretendim të saj.

Bekteshi ose kaçurelsja e “Vettingut”, mundohet ti justifikohet nga distanca Dritan Prençit, ku pretendon se pasuria e saj është e ligjshme dhe e justifikueshme.

Por, qershia mbi tortë, është një fakt i ri i sjellë nga vetë Bekteshi dhe futur në dosje nga Dritan Prençi,janë dy deklarata noteriale të lëshuara në shtetin Amerikan, ku në njërën pretendohet se Bekteshi ka pasur në përdorim një banesë nga viti 2003-2006 nga shtetasi Shkëlqim Rumi.

Mirëpo ajo që rezulton nga sistemi TIMS, ky shtetas nuk ka qënë asnjëherë në vitin 2003 në territorin shqiptar, ku dhe të kishte mundësinë për ti dhënë në përdorim shtëpinë Bekteshit.

Njëkohësisht ekziston dhe një deklaratë e dytë noteriale, ku bëhet fjalë për një borxh prej 15.000 dollarë, dhe sipas kësaj deklarate këto lekë i janë dhënë asaj, në periudhën 2008 në muajin Tetor.

Në këtë periudhë Brunilda Bekteshi, nuk ka qënë fare në Shqipëri,por rezulton të ketë qënë në shtetin turk.

Sipas Bekteshit, këto lekë janë kthyer prej saj në viti 2009 dhe nga kçyrja e sistemit TIMS, shtetasi Alfred Sheko që medemek paska dhënë shumën financiare, rezulton të mos ketë qënë fare në Shqipëri.

E marim të mirë qënë faktin se këto deklarata noteriale janë të sakta, atëherë këto veprime duhet të ishin deklaruar në ILDKPI.

Çdo veprim i më passhëm i Bekteshit, janë veprime të cilat ajo mundohet të mbulojë pasurinë, por në fakt këto manovra janë veprime kriminale vazhuese.

Ja si gënjeu SPAK-un, Brunilda Bekteshi

Në lidhje me pyetjen a ka marrë ndonjëherë një dhuratë në vlerë më të lartë se 500 Euro, apo i ka financuar dikush shpenzime në këtë vlerë apo në vlerë më të lartë se kjo, ju lutem përcaktoni datën, shumën, dhuruesin dhe burimin e kësaj pagese.

Komisionerja Brunilda Bekteshi ka mashtruar para SPAK-UT, pasi kjo shtetase po nëpërmjet kësaj memo ka deklaruar se janë mbuluar shpenzimet e qirasë nga shtetasi Shkëlqim Sejfulla Rumi, nga viti 2003 deri në vitin 2006 në pasurinë me nr.36/2 shkalla 1, kati 5, ap.17, Tiranë.

Ndërkohë nëse bëjmë llogaritë nga viti 2003 deri në 2006, për 4 vjet shumëzuar me 12 muaj , 48 muaj shumëzon me 20 000 lekë min i qirasë mujore, shtetësja Bekteshi ka përfituar vlerën prej 960.000 lekë të reja.

Në lidhje me pyetjen nr.8, nëse nga momenti i fillimit të punës për herë të parë a ka patur ndonjë shpenzim me të lartë se 2500 euro, nëse po të përcaktohet data, qëllimi i këtij shpenzimi, burimi financiar dhe mënyrën e pagimit, komisonerja Bekteshi ka gënjyer duke pretenduar se nuk ka bërë asnjë shpenzim më të lartë se 2500 Euro, kur nga ana tjetër ka pretenduar se ka arreduar apartamentin e saj në vlerën 1.200.000 lekë.

Brunilda Bekteshi njëkohësisht ka gënyer edhe në pyetjen 9 të bërë nga ana e organit procedues ku i është kërkuar se duhet të japi të dhëna mbi shpenzimet e arsimite të fëmijëve, nëse studiojnë në shkolla publike apo private.

Brunilda Bekteshi ka gënjyer në përgjigje, duke pretenduar se fëmijët e saj janë arsimuar në shkollën publike “Emin Duraku” dhe vajza në shkollën “Petro Nini Luarasi”.

Ndërkohë që fëmijët e saj janë shkolluar në shkollë private dhe pikërishtë në “Montessori- Albania” SH.P.K. dhe paguan 9120 Euro në vit, vërtertuar kjo me mandate pagesën përkatëse të datës 01.09.2019.

Komisionerja Brunilda Bekteshi nuk ka dhënë shpjegimi për pyetjen nr.11, nëse ka jetuar ndonjë herë jashtë shtetit dhe cilat janë shpënzimet e udhëtimeve, dhe jetesa në këtë qytet si dhe adresa ku ka qëndruar.

Shtetësja Brunilda Bekteshi nuk ka dhënë shpjegime.

Njëkohësisht Brunilda Bekteshi ka pranuar se ka gënjyer për pyetjen nr.12, e cila ka të bëjë me mobilimin e shtëpisë së saj, ku ajo ka pohuar se mobilimi i shtëpisë së saj ka kushtuar 1 200 000 lekë, por në pyetjen 8 në të cilën është pyetur nëse ka patur na një shpenzim më të madh se 2500 euro është përgjigjur se nuk ka patur.

Tjetër skandal mashtrimi është dhe fakti i parashtruar në pyetjen nr. 14, ku gjykata e ka pyetur nëse ka marrë borxhe nga ndonjë person apo shoqëri private.

Brunilda përgjigjet po dhe pranon se në vitin 2008 ka marrë ndihmë financare nga kushuriri i babit të saj shtetasi Alfred Sheko në vlerën e 15.000 mijë dollarëve dhe e vërteton këtë me një deklaratë noteriale të vitit 2022.

Brunilda Bekteshi nuk e ka deklaruar këtë deklarëtë në ILDKPI dhe vetëm mbas një hetimi të urdhëruar nga gjykata ka pranuar se ka marrë shumën prej 15000 dollësh në vitin 2008 dhe pretendon se këtë vlerë monetare e ka kthyer në vitin 2009 pas revokimit të Kontratës së shitblerjes se shtëpisë.

Brunilda Bekteshi ka paraqitur në organin e akuzës një deklaratë me fallsifikim intelektuar (përmbajtje të rreme) për arsye se për të vërtetuar burimin e ligjshëm të shtetasit Alfred Sheko në shumë e 15.000 dollarëve, nuk ka asnjë transanksion në këtë vlerë.

Njëkohësisht shtetësja Bekteshi pretendon se këto të ardhura janë kthyer në vitin 2009, por shtetasi Alfred Sheko nuk ka hyrë asnjë herë në Shqipëri në vitin 2009, rrethana këto që e bëjnë këtë deklaratë të rreme.

Skandali është se Brunilda Bekteshi pretendon se ka marrë kredi në vitin 2008 në vlerën 33.700 Euro me qëllim blerjen e një apartamenti 100 m2 në rrugën “Sadik Petrela“ në Tiranë dhe pretendon se e ka revokuar këtë kontratë dhe një shumë e kredisë, e ka përdorur për përshtatjen e apartamentit 1+1 për banim si dhe mobilimin e tij dhe pjesa tjetër ka shërbyer për të shlyer kredinë gjatë viteve 2008-2009.

Brunilda Bekteshi gënjen për arsye se kredia bankare prej 33 700 Euro nuk është përfituar nga ajo por është përfituar nga shitësi, firma ndërtuese dhe revokimi i kontratës është bërë me akt të fallsifikuar pasi është e katër ditëve të mëprshme të Kontratës së Kredisë .

Brunilda Bekteshi pretendon se bashkshorti i saj është paguar 400 dollarë në muaj në kolegjin privat në Turqi dhe vërteton pagën nëpërmjet komunikimeve Whats Up dhe nëpërmjet një email, por po të bazohemi në legjislacionin shqiptar në asnjë dispozitë ligjore nuk përcaktohet se email apo ëhats up është dokument financiar.

Brunilda Bekteshi ka deklaruar në ILDKPI se bashkëshorti i saj nga muaji Janar deri në maj të vitit 1997 ka punuar si përkthyes në një television ITN, me pagë 200 dollarë në ditë.

Brunilda Bekteshi nuk paraqiti asnjë dokumentacion ligjor në lidhje me këtë fakt për këtë arsye ngelet në fazë mashtrimi si më sipër.

Brunilda Bekteshi ka deklaraur në ILDKPI se nga muaj tetor 1997 deri në muajin gusht 1998 ka punuar pranë Ambasadës Amerikane me detyrë Përgjegjës për Sigurinë e Punonjëse me pasgë 300 dollarë kesh.

Brunilda Bekteshi nuk ka saktësuar nëse ka qënë pagesë 300 dollarë në muaj apo në ditë dhe nuk ka paraqitur asnjë dokumentacion me arsyetimin banal dhe qesharak se Ambasada Amerikane, në atë periudhë është sulmuar në Kenia dhe Nairobi, fakt i cili nuk ka ansjë lidhje me Shqipërinë.

Brunilda Bekteshi ka deklaruar se muajin shtator 1998 dhe mars 1999 bashkëshorti i saj ka punuar në “ADA GROUP” Tiranë, me pagë 30 000 mijë lekë në muaj.

Nuk ka paraqitur asnjë dokumentacion ligjor.

Brunilda Bekteshi ka deklaruar pranë ILDKPI se bashkëshorti i saj ka përfituar një projekt të Organizatës UNEP/MAP të OKB në vlerën 50.000 dollarë dhe si provë ka bashkalidhur e-mail.

Më pas kjo shtetase ka mashtruar pranë SPAK se vlera nuk ka qënë 50 000 dollarë, por 5 mijë dollarë. SPAK nuk ka bërë asnjë verifikim në lidhje me vlerën e përfituar.

Ish-atashehu ushtarak në Republikën e Turqisë, Hajro Limaj, në një rrëfim për gazetën “Shekulli” tregoi se makinat e ambasadës së Shqipërisë në Ankara, janë përdorur për të tra.fikuar dr.ogën në linjën Ankara-Stamboll-Selanik-Korçë. Limaj tregon një rast në marsin 1997 kur një shtetas turk i kërkoi që të shkonin bashkë me makinë deri në Shqipëri, thjesht për xhiro, por në rrugën e dytë do të përdorej për të kaluar dr.ogën e shtr.enjtë.

Ata i premtuan se ai do të pasurohej, siç ishin pasuruar diplomatët e tjerë shqiptarë përpara tij. Limaj thotë se nuk e pranoi ofertën e turqve që kërkonin përdorimin e makinës me imunitet diplomatik, pra që nuk kontrollohej në dogana, si mjetet e tjera. Pas bisedës, kujton Limaj, ai u bë më i kujdesshëm dhe nuk lejoi që të lëvizej makina pa lejen e tij, edhe pse ato e bënin këtë shpesh, ndërsa disa diplomat kishin arritur, çuditërisht, të çonin edhe familjet në SHBA, ku arraiseshin edhe vetë më pas.

Rrëfimi i ish-atashehut

Ishte marsi i vitit 1997, kur Shqipëria përjetonte kaosin e rëndë të krizës së firmave piramidale. Kanalet televizive të Turqisë gjatë gjithë kohës jepnin lajmet të shoqëruara me revoltat dhe përplasjet e popullsisë me policinë, veçanërisht në Vlorë. Një prej këtyrë ditëve më ra telefoni i zyrës. Një qytetar turk, që dinte edhe pak shqip, më kërkoi të pinim një kafe. E pranova ftesën me mëdyshje, por fakti që dinte pak shqip më shtyu të shkoja në këtë takim. Ai nuk kishte ardhur vetëm. Mbasi u ulëm m’u prezantuan dhe më thanë se punonin shpesh me Shqipërinë. Duke pirë kafetë, njëri prej tyre më propozoi që me makinën time me targa dhe imunitet diplomatic, një nga ditët e afërta, të udhëtonim në drejtimin Ankara-Stamboll-Selanik-Korçë. “Do të shkojmë për një xhiro, herën e parë – më tha. Do të kalojmë një udhëtim të këndshëm turistik. Kur të kthehemi do të të qerasim, edhe pse ne nga kjo rrugë nuk do të fitojmë gjë. Ndërsa herën e dytë ne do të të pasurojmë, siç kemi pasuruar të tjerët para teje”. Me qetësi u ngrita dhe pagova kafetë, duke iu shprehur keqardhjen me veprimtarinë që merreshin. U thashë prerë: “është hera e parë dhe e fundit që takohemi. Me mua nuk mund t’i bëni këto punë të pista!” Njëri prej tyre qeshi dhe vazhdoi:” Epo diplomatët e tjerë që shkuan në Amerikë me se u pasuruan?”.

Ç’ është e vërteta ndonjë herë dyshoja nga lëvizjet e shpeshta të makinave diplomatike jashtë Ankarasë. Edhe për faktin se ku i gjetën ato sasi parash që njeri dërgonte gruan me vajzën në Amerikë, tjetri dërgonte familjen e pastajarratisej edhe vetë. Ndonjë përplasje midis tyre kishte të bënte pikërisht me frikën e dekonspirimit apo rivalitetit të fitimit. Të gjitha këto dyshime të mëparshme më kishin detyruar që makinën diplomatike, që kisha në përdorim, të mos ia jepja askujt tjetër. Madje, një herë përplasja qe aq e madhe sa informova ministrin e Mbrojtjes. Mosfunksionimi i shtetit ligjor dhe emërimet partiake të diplomatëve detyrimisht vinin në pikëpyetje shumë gjëra. Ashtu siç ndodh edhe me qeveritarët që i emërojnë.

Kanë kaluar 20 vjet që nga ajo kohë. Duke parë e dëgjuar së çfarë bëjnë në Shqipëri qeveritarët, shtetarët dhe politikanët, se sa të pasur janë dhe çfarë makinash luksose e shumë të shtrenjta përdorin fëmijët e tyre, ndonjëherë djali më thotë “Të rroftë puna dhë nderi” se ata jetojnë si lordë apo sheikë!” Unë e dija dhe e kuptoja që po të kisha pranuar dhe të isha futur në linjën e tra.fiqeve nga Turqia sot do të isha i pasur, si ata që u pasuruan në ato kohëra dhe më vonë. Nuk mund të mos kujtoj se disa, pikërisht me linjën e Turqisë, janë bërë deputetë e ministra, kanë ndërtuar shkollat më luksoze apo komplekse tregtare, televizive, etj. Por, edhe pse është ky realitet tronditës dhe i frikshëm kri.minalizimi në politikën dhe shtetin shqiptar unë i gëzohem një jete normale me të ardhurat, që kam marrë e marr nga shteti në formë pagash dhe tani pensioni.