Shkruan Zef Ndreka
Tashmë nuk përbën më sekret. PD-në e krijoi Partia e Punës, e krijoi vetë Ramiz Aliaj. Ai u kujdes përsonalisht duke përdorur ish Sigurimin e Shtetit të krijonte në çdo rreth të vendit degët e para të PD-së ku 80% e tyre domosdo duhet të ishin bashkëpunërorë apo spiunë që quhen rëndomë nga populli.
Pra PD-ja është krijuar parti politike e sforcuar me diktat nga Sigurimi i Shtetit i cili kontrollohej totalisht nga PPSH-ja dhe ishte shërbëtore e saj.
Vështirësitë më të mëdha, vetë Ramiz Aliaj e pati me studentët dhe me grevën e tyre reale të urisë. Për ta përçarë dhe për ta kontrolluar deri në detaje, ai përzgjodhi pikërisht Sali Berishën.
Të gjithë e mbajnë mend fjalimin e Berishës ne Sheshin e Demokracisë në qytetin Studenti. Fjalim që u fërshëllye në kor nga gjithë pjesëmarrësit sepse ai falenderonte pa turp e për gjithçka Presidentin Aliaj.
Po ashtu ndodhi edhe me Besnik Mustafaj-n kur deklaroi se pashaporta europiane e Shqipërisë është Ramiz Aliaj.
Studentët dhe qytetarët e Tiranës në atë shesh të Demokracisë mbetën të zhgënjyer dhe ëndërrat e tyre për një Shqipëri si gjithë Europa dhe për një Shqipëri Demokratike u këputën në mes.
Por duke shfrytëzuar momentin e ndërrimit të sistemit, ish Sigurimi i Shtetit katapultoi dhe përdori bashkëpunëtorët e tij pas fitorës së PD-së në 1992. Kështu, duke filluar nga Presidenti, nga Kryeministri, ministra e zv/ministra, drejtore drejtorishe, deputetë etj, të gjithë në një formë apo në një tjetër kishin lidhje të ngushtë me ish Sigurimin e Shtetit.
Dhe për këtë arësye, ky kontigjent mbahej peng për shkak të dosjeve që nuk u hapën dhe me siguri nuk do hapën kurrë.
Loja politike e PPSH-së e konvertuar në PS, diti ti përdorë ashtu siç di ti mund sa herë të doje levat e saj, e konkretisht ish Sigurimin e Shtetit të kthyer në PD.
Parulla e vjetër e tyre, Partia mbi të gjitha e verteton këtë.
Duke mos arritur asnjëherë të fitojë PD-ja, pra Sigurimi mbi PS-në, demokratët u lodhën dhe do të lodhën më shumë. Aq sa, shumë shpejt, për PD-në do të mungojë mbështetja.
Sigurisht, që për ta shpëtuar këtë forcë politike hileqare të krijuar enkas për ta mbajtur nën kontroll, duhet domosdo largimi i mënjehershëm i Berishës dhe berishistëve nga pëngmarrja e saj.
Në të kundërt, PD-ja është e destinuar të mbaroje edhe misionin për të cilin e krijoi Sigurimi i Shtetit për të patur një sistem shumë partiak dhe një demokraci të kontrolluar…
