Faleminderit Profesor Stefan Capaliku për botimin serioz.
Faleminderit Akademia e shkencave e Shqipërisë për mbështetjen e botimit. Këtë botim e përgatiti Stefan Capaliku, Mars 2021.
Në këtë botim Akademik Vasil S. Tole shkruan: ‘Kompozitorët e mëdhenj shkodran, pionierë të krijimit të gjinive të mëdha muzikore: ‘Simfonia’-Zadeja, ‘Opera’-Jakova, ‘Baleti’-Daija, ‘Koncerti instrumental’-Pjeter Gaci.
Pjetër Gaci (Shtiraj, 27 mars, 1931 – Shkodër, 27 mars, 1995) ka qenë kompozitor violinist dhe pedagog i muzikës klasike. Ishte pedagog në Liceun Artistik dhe më pas në Institutin e Lartë të Arteve. Rrugën e artit e filloi si violinist dhe u bë themeluesi i muzikës violinistike shqiptare. Arriti maja me kompozimin e këngës, si te “Për ty atdhe” dhe “Gryka e Kaçanikut”.
Kompozitori Pjetër Gaci deklaronte: ‘Kemi Muzikën, që të mos vdesim’
Kam një ide, që muzika e Pjeter Gacit dhe e kompozitorëve të tjerë shkodranë, duhet të luhet më shpesh, për të mos ‘vdekur’. Muzika fiton kuptime të reja vetëm duke u luajtur.
Në këtë kontekst propozoj që në konkursin Pjetër Gaci, pjesmarrësit duhet të lozin një pjesë të detyruar nga ky kompozitor i madh. Mbas kësaj ideje më dërguan një sms: ‘Më ke kujtu me sugjerimin tënd se si zhvilloheshin konkurset për ‘PIETER CAJKOVSKIJ’.
Ne sallat e Konservatorit në Moskë, cdo pjesmarrës detyrimisht kishte ndo nji pjesë nga ky kompozitor, duhej te luante Cajkovski. Të përshëndes dhe të falenderoj për vemendjen’. TG,
Duke shikuar një poster të viteve para 90-të, Propozoj gjithashtu një koncert me këngët e kompozitorit Pjetër Gaci në Teatrin Migjeni, me pjesmarrjen e orkestrës dhe këngëtarëve të rinj. Në concert mund të prezantohen edhe këngët e një kompozitori tjetër shkodran.
Duhet falenderuar Profesor Stefan Capaliku për botimin shumë serioz, por studjuesit e muzikologjisë në shkodër dhe në Tiranë duhet të hulumtojnë më shumë për këtë muzikant të madh kombëtar.
Si përfundim po citoj thënien: Vita brevis, ars longa, Jeta e shkurtër, Arti mbetet përgjithnjë,
