Shkruan Zef Ndreka
Gjithnjë është shfaqur kështu Berisha, që kur i ka hyrë politikës.
Është i gatuar ashtu. Dhe nuk mund të ndryshojë as në pleqëri. As në këto vitet e sa I ka mbetur jetë natyrale.
Berisha nuk është gje tjetër, veçse një populist i vjetruar.
Megjithë përpjekjet e tij të fundit për tu shfaqur i moderuar, i ndryshuar, përmes një sforcimi që nuk di si ia pranon karakteri i tij i shtypur, përsëri, Berisha mbetët ai i pari. Një komunist dhe një diktator i PD-së, i cili ka vënë gjithçka në interesin përsonal dhe familjar.
Se ka gabuar Berisha, po e kuptojnë edhe demokratët e pamotivuar për ndryshim, e kuptojnë edhe salikratët, edhe foltoristët. Por edhe për to, me Berishën në krye, e kuptojnë, madje e shprehin se është përpjekja e fundit e dështuar dhe pa shpresë.
Berisha gjithë natën mendon për të shpikur gënjeshtra, për të mashtruar mbështetësit e tij duke u përpjekur ti mbajë me gajret për Shqipërinë Madhështore!
Berisha e ka provuar, e ka patur kohën e mjaftueshme për të punuar për të mirën e Shqipërisë, për demokracinë, për drejtësin. Por shfrytëzoi gjithë postët presidenciale e kryeministrore me klane e grupime vetëm për tu pasuruar.
Ai, do mbahet në mendje të shqiptarëve ashtu siç u ndëshkua në pranverën e vitit 2013, me mbi një milion vota kundër. Këtë e tregojnë edhe sondazhet që bëjnë kompanitë prestigjioze të huaja dhe të vendit.
Ato sondazhe, Berisha i lexon mirë.
Është krejtësisht i pa shpresë, shto edhe peshën e non grat-ave nga ShBA dhe Britanikët.
Por, PD-ja edhe sikur të kishte shance për fitore, këtë e pamundëson pikërisht Berisha. Sepse ai si përson non grat-a nuk pranohet në asnjë tryezë politike, diplomatike, ushtarake nga euroatlantikët.
Berisha, si një gangster, zgjodhi rrugën t’iu thyej turinjt politikanëve të rinj, duke e përçarë opozitēn dhe duke e mbajtur në kufijt e 30%.
Kaq i duhet Berishës dhe familjes së tij. Kaq i duhet opozitës për tu rilodhur e për të mos e marrë vetën.
Koha është për stabilitet në radhë të parë, pastaj për ndryshime, të cilat nuk vijnë me Likën, me Berishën e shpurën e tij.
11 Maji është në prag.
Jam kurioz të di, po pas kësaj date si do sillën mbështetësit e Berishës, a do të nisin përsëri foltorët dhe primaret?!
Ndaj Berisha, populisti i plakur bën përpjekjen apo sherrin e fundit.
Gjithsesi, opozitën pas zgjedhjeve e pret një tërmet, i cili do bëjë shkundjen e duhur e të domosdoshme që Shqipëria të futët në shinat e demokracisë, pa Likën e floririt dhe pa Berishën e Gërdecit…
