Ambasada ruse ka publikuar listën e mercenarëve të huaj që kanë shkuar të luftojnë në Ukrainë, duke nisur që nga data 24 shkurt e këtij viti.
Në këtë listë renditet dhe Shqipëria e cila bën pjesë në 10 vendet me numrin më të lartë të luftëtarëve të huaj që i janë bashkuar rezistencës ukrainase.
Prej nisjes së luftës, 150 shtetas shqiptarë kanë mbërritur në Ukrainë, ndërsa deri më sot llogaritet të kenë humbur jetën 42 persona, 40 janë larguar ndërsa 68 janë ende në këtë shtet.
Gjithashtu dhe Kosova ka një numër të lartë luftëtarësh, me 6 më shumë se Shqipëria që nga fillimi i okupimit rus.
Ndonëse Ukraina nuk e ka njohur ende si shtet Kosovën, 61 shtetas të saj kanë humbur jetën në 4 muaj luftë. Sipas kësaj liste, numrin më të lartë në Evropë e ka Polonia, Rumania dhe Mbretëria e Bashkuar. Gjithashtu mercenarë ka dhe nga Franca. Kroacia dhe Estonia.
