Kryeministri Edi Rama ka sulmuar aktorin Leonardo Di Caprio gjatë aktivitetit për nënshkrimin e memorandumit që i hap rrugë shpalljes Park Kombëtar të lumit Vjosa. Kujtojmë që Di Caprio ka qenë një nga më të zëshmit për mbrojtjen e lumit të egër të Europës.
Rama deklaroi se aktori amerikan u bë i gjallë vetëm për të goditur qeverinë, ndërkohë që nuk reagon tani që qeveria merr një vendim në përputhje me kauzën e tij. Më pas ai vazhdoi me ironi, duke thënë se duke e sharë, aktori do të reagojë.
“Më kanë shënuar diçka këtu për Leonardo Di Caprion pasi u bë i gjallë për të goditur qeverinë, por nuk u bë i gjallë për ta mbrojtur qeverinë.
Tani që qeveria po bën atë që atij i kishin thënë që nuk kishim ndërmend ta bënim, por që ndërkohë po e bëjmë.
E ka shok të mirë ministrja e Turizmit, prandaj nuk po i bie më shumë.
Mbase këto goditje do t’i shkojnë në vesh, pasi mund ta kishim lajmëruar dhe nuk do t’i vente në vesh fare. Mbase duke e sharë pak do t’ia kapi veshi”, tha Rama.
