Pas aksionit të Antimafias pak ditë më parë ku zbulua një nga kartelet më të rrezikshme të narkotikëve në Europë, pjesë e së cilit ishin grupi i Troplinëve të Durrësit, prokuroria e Finlandës ka mbërritur në Shqipëri, po për të njëjtat arsye.
Të dyja aksionet janë të inciuara nga shtetet e BE-së dhe tregojnë se SPAK është vënë para presionit të ndërkombëtarëve, të cilët duke mos pasur besim tek autoritetet shqiptare kanë ndjekur vetë çdo aksion kundër karteleve të drogës, ku Shqipëria është shfaqur tashmë si dispeçeri e narkotrafikut.
Dëri më sot SPAK nuk ka realizuar dot asnjë aksion të përmasave të tilla, pasi siç dihet, krerët e karteleve janë bërë njësh me shtetin shqiptar dhe nuk u futet gjemb në këmbë.
E vetmja gjë që bën shteti shqiptar në raste të tilla është se përpiqet maksimalisht të sabotojë edhe aksionet e partnerëve, të cilët janë detyruar vetë të ndjekin nga afër aksionet.
Këto dy operacione të inicuara nga Italia dhe Finlanda, ku partnerët theksojnë se shqiptarët janë trafikantët kryesorë të këtyre karteleve, fakton edhe njëherë në sytë e Europës se Shqipëria nën drejtimin e Edi Ramës është de-facto një narko-shtet dhe se drejtësia shqiptare është një vegël e partisë shtet.
