SPAK kërkon arrestimin e të gjithë anëtarëve të bandës së Plaurent Dervishajt, kunatit të Lul Berishës, që të dy në kërkim ndërkombëtar për vrasjen e Klodian Saliut, Vajdin Lamajt dhe shoqëruesit të Lamajt.
Deri tani të paktën 5 kërkesa të SPAK-ut për arrestime janë miratuar nga Gjykata e Posaçme. Prapaskena mëson se prej 24 orësh policia po zhvillon kontrolle në Durrës për kapjen e të kërkuarve.
Mes të arrestuarve është edhe Akil Nerjaku, i njohur si i përfshirë në bandën e Durrësit që i shpëtoi një atentati me snajper më 12 shtator 2022.
Prapaskena mëson se kërkohet edhe arrestimi për herë të dytë të vetë Plaurent Dervishajt, si dhe të Julian Meçajt, Bashkim Haxhinaj dhe Marsel Deçkan.
Urdhr-arrestet kanë ardhur pas rrëfimit të një bashkëpunëtori të drejtësisë, të cilit nuk i dihet emri.
