55 minuta konferencë e përbashkët, Rama dominoi ndaj Blinken

Nuk mund të kalonte pa u vënë re dominimi që kreu i shtetit pati ndaj sekretarit amerikan, me një diferencë të dukshme. Rama foli plot 30 minuta, ndërsa Blinken 16 minuta. Ata folën për çështje të rëndësishme si lufta në Ukrainë, mikpritja e afganëve në Shqipëri, mosmarrëveshjet Kosovë-Serbi për dialogun dhe heqjen nga qarkullimi të dinarit, por edhe për çështje të brendshme politike.

Blinken, i veshur me “kostumin diplomatik” ishte mjaft i kujdesshëm në përgjigjet e tij, duke folur shkurt dhe në mënyrë të përmbledhur. Ndërsa Rama u zgjat më shumë duke u futur në detaje, siç ishin ushqimi gjerman apo lufta në Palestinë.