Gazetarja Alice Taylor ka aplikuar për të marrë pasaportën shqiptare.
E ftuar në emisionin “Good Morning Albanians” në Euronews Albania ajo u shpreh se do të zgjidhte pasaportën shqiptare kundrejt asaj britanike.
Ajo nënvizoi se nuk jeton në Britani dhe se me pasaportë shqiptare mund të lëvizësh lirshëm në Europë.
“Do të kisha zgjedhur pasaportën shqiptare. Unë nuk do jetoj në Angli do rri në Shqipëri. Për të lëvizur në Europë është ok. Unë paguaj më pak taksa në Shqipëri. Unë kam ikur nga Anglia 15 vite më parë dhe nuk punoj atje. Nuk ka anglezë të tjerë që më kanë thënë se dua pasaportë shqiptare ndërsa kam miq e shokë që duan të nxjerrin pasaportën britanike. Procesi për pasaportën shqiptare është shumë i vështirë dhe do shumë kohë”- tha ajo.
