Shkruan Zef Bushati
Tirana është Kryeqyteti i qytetarëve të saj dhe i të gjithë qytetarëve të Shqipërisë. Prej 35 vitesh, Kryetarë Bashkie dhe Pashallarë Politikë e kanë sunduar Tiranën duke e trajtuar si Pronë Private.
Asnjëherë nuk është bërë transparencë për vendimet që Pashallarët kanë marrë. Asnjëherë nuk është shpjeguar se ku kanë shkuar miliardat që i a morën qytetarëve të Tiranës përmes taksave. Asnjëherë nuk është kërkuar mendimi i qytetarëve për ndërtimet, shëmbjet apo ndryshimet që janë bërë. Asnjë qytetar nuk është pyetur. Asnjë vendim nuk është shpjeguar. Asnjë përgjegjësi nuk është mbajtur nga Pashallarët.
A ka mbetur ndonjë metër tokë në Tiranë që nuk është kthyer në kullë e ndërtim? A e dinë qytetaret e Tiranës se sa para janë harxhuar ? A e dinë qytetarët e Tiranës se sa miliona euro janë vjedhur ? Pyetja është: A i kuptojnë qytetarët e Tiranës këto gjëra ? Deri kur Tirana do jetë pronë e Pashallarëve? A e dinë Qytetarët e Tiranës se sa miliona harxhohen nga prishjet ? Harxhohen Milionat nga Taksat e Bashkisë që ata vetë i kanë paguar ? Miliona për të ndertuar e miliona për te prishur. Skandal 35 vjeçar. Deri kur do të mungojë transparenca ? Deri kur do sundojnë Pashallarët e Bashkive ? 35 vite e njëjta histori.
