Drejtori më i akuzuar për korrupsion, klientelizëm dhe pazare në Shqipëri, Blendi Gonxhe, ka hyrë sot në SPAK, ku është thirrur për të dhënë llogari për aferat e korrupsionit në krye të Drejtorisë së Përgjithshme të Shërbimeve të Transportit Rrugor. Nuk dihet se për cilën dosje është thirrur, pasi aferat e tij janë të pafundme, në të cilat ka përfshirë dhe famijarët e tij.
Blendi Gonxhe konsiderohet si njeriu i Belinda Ballukut, e cila ka ndikim tek Edi Rama, tani më shumë se kurrë që u bë edhe numri 2 i Qeverisë, ndaj dhe Gonxhja e sheh si shpresën e vetme për ta shpëtuar nga prangat. Por, Erion Veliaj, në luftë me klanin ‘Balluku’, e do në burg Gonxhen e korrupsionit.
Në Shkurt të këtij viti, Gonxhja u thirr edhe nga Prokuroria e Tiranës, por arriti t’i shpëtonte prangave.
Blendi Gonxhja, krahas funksionit zyrtar, merr para publike me kompaninë e tij ‘Albarent’, me objekt dhënie makina me qira, nën administrimin e gruas së tij, Elda Gonxhe. Përqindja e të gjitha tarifave të korrupsionit në DPSHTR dhe degët e saj, shkon për Gonxhen dhe grupin e tij. Në të gjithë përgjimet, filmimet dhe investigimet, sekserët thonë se paratë paketohen për Blendi Gonxhen. Krahas implikimit të gruas, Gonxhja ka përfshirë të birin, Dante Gonxhe, pas projektit ‘Retro Albania’ që financohet nga DPSHTR. Projekti ‘Retro Albania’ besohet se është një nga linjat kryesore të vjedhjes së parave.
Për SPAK-un që të mos e vonojë arrestimin e Blendi Gonxhes, po i sjellim në kujtesë disa nga investigimet dhe denoncimet në kohë të ‘Pamfleti’-t, edhe pse e dimë që na kanë ndjerkur pasi rezultatet kanë filluar të duken.
