Zëvendësekretarja amerikane e Shtetit për çështje Europiane dhe Euro-Aziatike, Karen Donfried, ka reaguar për situatën në veri të Kosovës. Zyrtarja e lartë e SHBA bëri thrrje për uljen e tensioneve mes Kosovës dhe Serbisë, si dhe zbatimin e marrëveshjeve të arritura.
“Po merremi 24 orë me çështjen e monitorimit të situatës në veri të Kosovës. Serbia dhe Kosova të zbatojnë marrëveshjet e arritura, ne presim të zbatohen. Ne e kemi mirëpritur propozimin gjermano-francez. Mendojmë se ka mundësi për progres. Bashkë me BE ne mbështesim progresin. SHBA mendon se zhvillimet e fundit janë shqetësuese, nuk është zgjidhje që të braktisen institucionet”, ka deklaruar Donfried.
Zyrtarja amerikane theksoi se SHBA-të janë në një linjë me BE sa i takon zgjidhjes së problemit me dialog.
“Thirrje që të ulen tensionet në veri të Kosovës. Nuk duhet të përshkallëzohet situata, rrezikohen jetët e atyre që janë paqeruajtës aty. Duhet të ulen tensionet në veri të Kosovës”, theksoi ajo.
