Portali i familjes së Sali Berishës ka akuzuar ambasadoren amerikane në Tiranë Yuri Kim, se paguhet nga rusët dhe se po sfidon Departamentin e Shtetit. Kjo, pasi sipas këtij portali, Yuri Kim ka drekuar me Lulzim Bashën për 4 orë në Hamallaj, gjë që, sipas tyre, tregon se Kim paguhet nga rusët, pasi Basha akuzohet nga SHBA se ka marrë para nga rusët.
Portali familjes së Sali Berishës ka botuar sot një shkrim ku thotë se ambasadorja amerikane Yuri Kim ka takuar ditën e sotme në Hamallaj të Durrësit, deputetin demokrat Lulzim Bashën dhe Jorida Tabakun për katër orë, ku kanë ngrënë edhe një drekë.
Portali i familjes Berisha ngre pyetjen nëse edhe Yuri Kim ka përfituar nga rublat ruse që Rusia ka dhënë për PD-në gjatë kohës që qeverisej nga Basha. Portali akuzon Yuri Kim se po sfidon Departamentin e Shtetit.
“Kim ka drekuar për rreth katër orë me Bashën dhe tabakun në Hamallaj, pranë vilave të dy deputetëve demokratë. Nuk dihet se çfarë ka biseduar Kim me ta, por ky mbetet një karshillëk i hapur që Yuri Kim po i bën Departamentit të Shtetit amerikan dhe vetë Shtëpisë së Bardhë.
Ishin shërbimet sekrete amerikane së bashku me DASH, të cilat publikuan raportin bombastik për financimet ruse. Nuk ishte aspak rastësi, që në mediat më të mëdha, një zë zyrtar nga Shtëpia e Bardhë, konfirmoi rastin e Lulzim Bashës për financimet ruse. Pasi dhjetëra media nga më të mëdha në botë, folën për rastin e Shqipërisë dhe të Lulzim Bashës, Kim pranoi me një gjysmë zëri në ambientet e Kuvendit të Shqipërisë, se lajmi është zyrtar dhe i vërtetë. Ndërkohë, kjo ngre një pikëpyetje të thjeshtë dhe të sinqertë: A është paguar edhe ambasadorja amerikane në Tiranë, Yuri Kim nga rublat ruse”, shkruan portali i Berishës”, shkruan portali i Familjes Berisha.
