Shkruan Sokol Pepushaj
Kush ka më shumë pasuri, familja e Sali Berishës apo e Edi Ramës?
Të dyja, janë nën peshën e rëndë të denoncimit të ashpër shoqëror për transparencë pasurie dhe pushteti.
Asnjë fshatar, as ne që u rritëm e po plakemi me to, përveç amerikanëve që u kanë hetuar çdo hapje e mbyllje portofoli, nuk e nënvizon saktë më pasanikun, Shkëlzen Berishën apo Olsi Ramën, Argita Malltezin apo Linda Ramën, Erion Veliajn apo Ilir Metën.
Që të tërë erdhën me tuta kinez e fukarenj, me shporta fiqsh e byrekë me gjizë, dhe po largohen Sheikë, është fakt që askush nuk thotë jo, edhe pse zihen kush hajdut është më i mirë, yti apo imi, kush duhet arrestuar më parë, ky apo ai.
Po cilat janë paralelet mes dy monstrave, Berisha dhe Rama, se dy të tjerët, nuk i kemi detyrë shtëpie sot?!
Kur na erdhi Sali Kolera, ishte i veshur bukur, serioz, me bluzë të bardhë e bisturi në duar.
Edhe Edi Covidi, kështu na trokiti.
I veshur me shije, ekstravagant, me një penel piktori e telajo endacaku, në një biçikletë mbeturinash, 7-8 dollarë, se edhe rrogat aso kohe ishin kinezëri.
Saliu, si doktor, betohej se ka ardhur si Cirka që i rikthen kafshët e Nexhmije Hoxhës në njerëz europianë; Edi si piktor premtonte se rilindi Skënderbeu e do të priteshin kokat e pasanikëve pushtues, që po, kishin bërë kërdinë mbi pasuritë e liritë e fshatit.
Saliu mbante afër një specialist ekonomie, dhe i binin pash më pash Shqipërisë. Sa herë i ngelte gënjeshtra në fyt, i luante syrin Pashkos së ndjerë, të nxjerrë nga xhepi një copë letër të bardhë e t’u thotë shqiptarëve: “Ja, ky është “Çeku i Bardhë” që na ka dhënë ky burri, William Ryerson, e ne do e plotësojmë për ju, si të duam.
Edhe pse Utopi, budallenjtë e Saliut mbushnin stomakun me hipnozë.
Po Babloku, si e bën makthin ndjenjë?
Edhe ky mban pranë një mjeshtër drejtësie, Ëngjëll Agaçin
Sa herë që i ngatërrohen në rrjetën e drejtësisë hajdutët ë Qeverisë, përpin pështymën e vet, e Ëngjëlli, djalli me brirë, i shkruan emrat e viktimave që del i lexon nga “Lista e Zezë”, që sipas Bablokut, ja ka lënë ajo zonjusha atje, ambasadorja Yuri Kim, që ta recitojë para mediave që majmen nga paratë e krimit.
Të dy, si Saliu si Edi, janë histori telenovelash ballkanike dhe histeri pasionesh platonike.
Njëri, me “Çekun e Bardhë” të Ryerson-it, tjetri, me “Listën e Zezë” të Yuri Kim-it, vazhdojnë të hipnotizojnë turma idiotësh, që të duan më të urryerit e shoqërisë e të reflektojnë ndjenjë armiqësie për drejtësinë e lirinë e një populli, që ka 32 vite, herë në vend numëro e herë indietro.
Saliu, puthte Flamurin amerikan dhe mbushte “Çekun e Bardhë” për familjen e vet; Edi shkelmonte Flamurin Amerikan e kapte ç’të kapte për familjen e vet.
Secili hipnotizon budallenjtë e tij.
Saliu sot, e ka tmerr flamurin amerikan, Edi sot, e mban lart dhe sa herë denoncimi i ashpër për korrupsion e shtyp fort, nxjerr “Listën e Zezë”.
Kështu e kanë skenarin këta, të hipnotizojnë gjysmën e shoqërisë, kundër gjysmës tjetër.
Në fund të telenovelës së 4 Klaneve Mafioze, mesazhi është i thjeshtë.
Jemi në sekuencën ku njerëzia po qeshet, se si Saliu shtrëngohet të mbyllë fundoren e “Çekut të Bardhë” të Ryerson-it, e Edi, ka kapsllëk të hapë “Listën e Zezë” të Yuri Kim-it!
Kështu, fatmirësisht, në hipnozë kanë ngelur vetëm budallenjtë dhe SPAK-u./Pamfleti
