Disa persona të panjohur kanë djegur pjesërisht një flamur të shtetit serb te pllaka përkujtimore në hyrje të fshatit Hoqë e Madhe në Rahovec.
Siç ka njoftuar Policia e Kosovës, nëpërmjet raportit 24-orësh, zyrtarët policorë pas marrjes së informatës për incidentin rreth orës 11:20 menjëherë kanë dalë në vendin e ngjarjes.
Po ashtu, siç thuhet në raport, prokurori është njoftuar në lidhje me incidentin dhe se rasti është duke u hetuar nga njësitë policore.
Ndërsa, rasti sipas policisë është iniciuar si “Nxitje e përçarjes dhe mos durimit”.
“Njësitë policore pas pranimit të informatës se është djegur një flamur, ka shkuar në vendin e ngjarjes dhe kanë vërejtur se në hyrje të fshatit tek pllaka përkujtimore, nga persona të panjohur është djegur pjesërisht një flamur i shtetit serb. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në njoftimin policor.
