Enkelejd Alibeaj i është fshehur protestuesve të opozitës që iu përgjigjën thirrjes së Partisë Demokratike për tu mbledhur sërish para Parlamentit.
Ndonëse pretendon vulën e PD-së dhe thotë se është kryetar në detyrë i PD-së, Alibeaj nuk ka guxim të kalojë nga demokratët e partisë së tij.
Ai është fshehur dhe ka dalë nga dera e pasme godinës së Kuvendit për të shmangur demokratët që kërkonin largimin e kryeministrit Edi Rama.
Alibeaj nuk ka pasur guxim që të dalë në shesh me qytetarët kur PD ka thirrur protesta, por edhe në rastin e sotëm kur protestuesit i kishte në rrugën e tij, kryetari në detyrë ka ikur nga dera e pasme për të mos u përballur me ta.
Nëse e ka bërë këtë gjest nga frika apo nga mungesa e guximit për tu përballur me demokratët këtë duhet të na thotë vetë Alibeaj që qartazi po fshihet dita ditë
