Shkruan Albert Zadrima
19 Maj 2021➖SHBA shpall Sali Berishën “non grata” nën akuzën e korrupsionit.
Një proces i mbajtur konfidencial për muaj me radhë, deri sa iu komunikua vetë personit.
Një pjesë e shoqërisë u entuziazmua, një pjesë e politikës festoi me shampanjë, dhe një pjesë tjetër heshti nga frika.
2021 – 2023, Berisha fillon një betejë titanike ligjore, politike e morale:
Ligjore: asnjë provë bindëse nuk u paraqit kurrë. Rasti i dhëndrit u bë karikaturë juridike.
Politike: nga hiri, rimori PD-në, selinë, vulën, opozitën dhe aleatët.
Morale: nuk heshti, nuk u fsheh, por luftoi çdo ditë dhe fitoi të drejtën të qëndrojë në skenë.
2024 – 2025, një tjetër “non grata” po përgatitet. Këtë herë për kryeministrin e Shqipërisë, njeriun që bëri moral me fatin e Berishës:
Zëvendësi i tij ka deklaruar publikisht për dosje e prova tronditëse.
Ministri i Brendshëm dhe krahu i djathtë u dënuan për drogë dhe korrupsion.
Disa ministra e ish-zyrtarë janë në qeli ose nën hetim.
Kryetari i Bashkisë së Tiranës kërcënon nga burgu se do flasë për aferat e përbashkëta.
FBI, DEA dhe McGonigal e presin me dosje që digjin më shumë se retorika politike.
Historia ka humorin e vet të zi: kush tallte dje Berishën, sot pret Ramën në të njëjtën listë.
“Kur drejtësia nuk vjen nga brenda, vjen nga jashtë dhe vjen me grusht.”
“Shpresat e kombit nuk lidhen me ‘non grata’, por me ‘zero tolerancë’ ndaj korrupsionit.”
“Në Shqipëri drejtësia është e ngadaltë, por politika është e shpejtë për të marrë hak.”
Nuk bëhet fjalë për një njeri, por për një sistem që po shembet.
Nëse nuk pastron vetveten, e pastron historia dhe historia nuk pyet për protokoll.
Si qytetar i thjeshtë, paanshmëria më thotë këtë:
Berisha me “non grata” doli më i fortë dhe me faqe të bardhë, por e kuptoi se politika e shkatërron njeriun nëse nuk e lë me kohë.
Rama do të dalë nga kjo histori si njeriu që humbi moralin dhe përfundoi në shënjestër ndërkombëtare.
Shpresa e vetme për Shqipërinë është që të dy të largohen, njëri me dinjitetin e rikthyer, tjetri me prangat që meriton.
Vetëm atëherë ky vend do ketë një mëngjes të ri politik.
