Kryetari i partisë Bindja Demokratike, Fabian Topollaj, teksa ka komentuar lëvizjen politike “Shqipëria bëhet” është shprehur se partitë e vogla nuk mbijetojnë për shkak se nuk i lejon sistemi zgjedhor.
Në një intervistë për Euronews Albania, ai theksoi se në skenën politike shqiptare janë dy tre personazhe që kanë të gjithë pushtetet në dorë.
“Vlera e partive të vogla është se janë të vetmen që e denoncojnë këtë sistem politik që është vetëm në Shqipëri dhe është bërë me qëllimin që të përfitojnë vetëm 2-3 kryetarë partish të mëdha që garantojnë suksesin e tyre politik pavarësisht se përfaqësojnë në fakt të vjetrën dhe regresin në këtë vend.
Ne kemi në skenën politike shqiptare dy tre personazhe që kanë të gjithë pushtetet të patrazuara. Kjo nuk ndodh kurrë në botë. Është një sistem politik që është ngritur nga këta njerëz që favorizon pozitat e tyre të veçanta. Në Shqipëri ndryshe nga vendet e tjera, alternativat e reja nuk kanë pasur sukses elektoral”-tha ai.
