Shkruan Zef Ndreka
Skandalet e shumta që e kanë mbërthyer si metastaza këtë qeveri, do ja kishin shkurtuar jetën qeverisë Rama 3, po të mos dilte shpëtimtarë i saj, doktor Sali Berisha. Kjo është e vërteta e dhimbshme për Shqipërinë dhe shqiptarët e keq qeverisur dhe të vjedhur. Në demokraci defektet e ngadalësimeve dhe ritmeve të zhvillimit mbetën gjithmonë tek njerzit. Ndryshe nga koha e komunizmit që defekti është tek sistemi. Në rastin konkret, faji në të ashtuquajtur demokraci, mbetet tek Berisha, i cili arriti me të gjitha format dhe mënyrat çnjerëzore të coptojë PD-në, për shkakun përsonal e vetëm të psikologjisë autoritare që ka mbajtur në 30 – vite.
Dalja në foltore, pasi u shpall non grata familjarisht , e përçau Partinë Demokratike të opozitës, i shpenzoi gjithë energjinë e duhur politike, që duhej dhe mund të rrëzonte Edi Ramën nga pushteti. Që vullneti politik i shqiptarëve të vjedhur me 25 prill në zgjedhjet parlamentare, të shkonte atje ku duhej të ishte. Ai, në hallet personale futi PD-në, deri në ngatërresë me SHBA-të. Dihet se në prill 2021, janë vjedhur votat! Është bërë masakër zgjedhore! Është tjetërsuar vullneti i votuesve me “leje” dhe me miratim paraprak! Janë shpenzuar disa qindra miliona euro kot, për të blerë e siguruar votat.
Dhe përse?!
Sepse, në listën e kandidatëve për deputet ishte Sali Berisha, i padëshiruari nga Amerikanët, që e kishin futur në rreth për t’a shpallur non grata për aresyet që i shpjeguan më pas. Si mund të shpallej fituese një parti që kishte në hije bashkë kryetarin e saj non grata?! Këtë , amerikanet, ja kishin thënë me parë edhe Bashës edhe vetë Berishës. Ky mbetët gabimi fatal i kryetarit të PD-së, që e futi në listën e sigurtë për deputet. Vjedhja dhe tjetërsimi i vullnetit politik, u shoqërua me skandale korruptive të socialistëve dhe të qeverisë Rama 3.
Raporti i DASH-it e demaskoi masakrën elektorale të 2021. Vëndi po përgatitej të shkonte në zgjedhje të parakohëshme e për këtë duhej një atmosferë sa më normale, për të arritur zgjedhje të lira e të ndershme, por edhe të pranuar nga palët, si kushti themelore i vazhdimit të procesit të integrimit europian. Por çfarë ndodhi?! Ajo që tashmë është parë dhe dihet nga të gjithë. Interesat përsonale dhe familjare të Berishës, të ndërthurura me interesat e trëkëndëshit Meta-Berisha -Rama përçanë PD-në, duke dobësuar rolin opozitarë të saj dhe duke hipotekuar pushtetin e Ramës me kusht që të bëhën të pa prekshëm nga drejtësia. I gënjen mendja! Ndërkohë, pushteti dhe trëkëndëshi, vazhdojnë me korrupsionin, me abuzimet, me vjedhjet, me mashtrimet. Kështu, zgjatet pushteti abuziv, deri sa SPAK-u të arrijë aty ku duhet, tek qeveria dhe tek opozita, pra tek Rama, Meta dhe Berisha. Edhe sa do të zgjasë?!
Promoted Content
