Presidenti i Shteteve të Bashkuara, Donald Trump, ka bërë një përditësim në platformën e tij Truth Social, duke paralajmëruar veprime të ashpra ushtarake ndaj Iranit.
Trump iu referua deklaratës së bërë nga presidenti iranian, i cili i kërkoi falje fqinjëve në Lindjen e Mesme dhe tha se nuk do t’i sulmojnë nëse nuk e bëjnë ato më parë.
Trump tha se ky premtim është bërë vetëm për shkak të “sulmeve të pandërprera nga SHBA dhe Izraeli”.
Megjithatë, sulmet iraniane nuk janë ndërprerë plotësisht. Ditën e sotme një dron ra pranë Aeroportit Ndërkombëtar të Dubait. Po ashtu, Katari njoftoi se ka interceptuar një raketë të Iranit.
Në postimin në Truth Social, Trump deklaroi: “Sot Irani do të goditet shumë fort!”
Ai shtoi se po merren në konsideratë për sulm “zona dhe grupe njerëzish që deri tani nuk janë konsideruar si objektiv”.
