Rreth 500 fluturime u anuluan të mërkurën në aeroportin më të madh të Gjermanisë për shkak të motit të keq, tha aeroporti.
Dëbora e dendur dhe shiu i ngrirë rrëzuan qindra fluturime në Gjermani të mërkurën, duke përfshirë aeroportin e Frankfurtit, një nga më të ngarkuarit në Evropë, ku gjysma e fluturimeve të planifikuara u anuluan pasi një rrymë e ftohtë ajri nga Arktiku përfshiu gjithë kontinentin.
Në aeroportin e Frankfurtit, 500 nga 1030 fluturimet e planifikuara u anuluan për shkak të motit të mërkurën, tha aeroporti në një deklaratë. Ndërprerjet e lidhura me motin do vijojnë të enjten, tha aeroporti, duke këshilluar pasagjerët që të kontrollojnë statusin e tyre të fluturimit përpara se të udhëtojnë në aeroport.
Evropa veriore është përfshirë nga temperaturat e akullta këtë javë. Moti i keq rezultoi në më shumë se njëqind mbyllje dhe vonesa të shkollave në Britani. Në Norvegji, Aeroporti i Oslos, i cili pati reshje të mëdha bore, paralajmëroi për vonesa të mërkurën.
