Kryeministri peruan Alberto Otarola tha të martën se kishte dhënë dorëheqjen e tij pasi një regjistrim audio doli gjatë fundjavës. Audiopërgjimi pretendohet se ishte i zyrtarit që përpiqej të ndikonte në mënyrë të pahijshme në kontratat qeveritare.
Otarola tha për mediat se regjistrimi ishte bërë në vitin 2021, kur ai nuk ishte zyrtar qeveritar dhe ishte manipuluar dhe redaktuar si pjesë e një komploti nga kundërshtarët e tij politikë.
Ai kishte mohuar më parë të kishte kryer ndonjë krim pasi regjistrimi u bë publik.
Me largimin e Otarolës, 18 anëtarët e tjerë të kabinetit tani duhet të japin dorëheqjen, sipas ligjit peruan. Presidentja Dina Boluarte ka zgjedhjen të rivendosë çdo anëtar të kabinetit ose t’i ndryshojë ata me një ministër të ri.
Audioja, e publikuar nga mediat lokale, duket se është e Otarolës duke folur me një grua që më vonë vijoi të punojë në role të ndryshme qeveritare.
Otarola u kthye herët nga një udhëtim në Kanada, ku po përfaqësonte Perunë në një kongres minierash.
Më herët të martën, ministri i Jashtëm Javier Gonzalez-Olaechea tha se Boluarte do bënte ndryshime në cabinet si pjesë e një “rinisjeje të politikës së përgjithshme të qeverisë”.
Ndryshimet e kabinetit janë bërë të zakonshme në Peru.
Vetëm muajin e kaluar, Boluarte ndryshoi kabinetin e saj, duke shkëmbyer katër ministra, përfshirë ata që drejtojnë ekonominë dhe minierat, ndërsa kombi i Andeve punon për të nxjerrë ekonominë e tij të lëkundur nga një recesion.
