Papa Françesku ka kaluar edhe një natë në spital pa komplikime të reja, sipas një njoftimi nga Selia e Shenjtë.
”Nata kaloi e qetë. Papa është ende duke pushuar”, thuhet në deklaratë.
Vatikani nuk dha më shumë informacion mbi gjendjen shëndetësore të 88-vjeçarit.
Kreu i Kishës Katolike ndodhet i shtruar në spitalin ”Gemelli”, në perëndim të Romës, prej gati tre javësh.
Papa Françesku vuan nga pneumonia, e cila ka prekur të dyja mushkëritë.
Ai ka pasur disa episode të dështimit akut të frymëmarrjes dhe mban një maskë në gojë dhe në hundë për ventilim mekanik gjatë natës.
Mjekët janë shumë të përmbajtur nga dhënia e një prognoze për zhvillimin e gjendjes së Tij shëndetësore.
Promoted Content
