Shkruan Zef Ndreka
Dhuna po shfaqet çdo ditë në Big Brother VIP Albania duke na thënë në një mënyrë apo tjetër se nuk është thjesht një incident televiziv me zënka, britma, sharje, ofendime, por një shënjë më e thellë e mënyrës si po ndërtohet dhe konsumohet spektakli sot.
Kemi parë se dhuna aty në atë shtëpi të famshne nuk është vetëm fizike kur ndodh që shtyhen, kur afrohen hundë më hundë, kur shprehen ti presin veshin njëri-tjetrit, kur të jap një goditje e të hedh për tokë, kur çfar ti bëj kamerave se ta tregoj unë ty etj etj, por mbi të gjitha dhunë verbale me ofendime, me ulje dinjiteti, me dhunë psikologjike përmes presioneve, përjashtimeve e manipulimeve. Jo rrallë kemi parë edhe dhunë simbolike si justifikim për të normalizuar sjelljet agresive si “lojë”.
Problemi më i madh real është se këto sjellje po shpërblehen me vëmendje opinioni të përditëshme që në të vërtetë është shqetësues sepse këto vëmendje po kthehen në moment virale dhe indirekt inkurajohen nga programi që kërkon konflikte për audiencën.
Kjo ka krijuar një rreth vicioz në të cilin sa më shumë shfaqet dhunë, më shunë rritën klikimet duke e rritur hapsirën e dhunës.
Në Shqipëri, shoqëria është e mbushur plot tensione sociale dhe politike të larta dhe ky program me audiencë masive po normalizon gjuhën agresive duke ulur shumë pragun e tolerancës ndaj dhunës. Kjo, ndikon tek të rinjtë, që mund ta shohin e ta marrin si model sjelljeje.
Por nga ana tjetër, duhet theksuar se formati i “reality show” në vetvete ndërtohet mbi konfliktin. Kjo është skandaloze kur dihet se ekziston vetëm një vijë të hollë midis konfliktit dhe degradimit njerëzor. Sa herë kjo vijë kalohet nga banorët, humbey spektakli dhe kalohet në probleme kulturore.
Është vonë për të gjetur zgjidhje tek produksioni i cili të kishte vendosur kufij realë në lojë. Po ashtu tek publiku, i cili nuk duhet të shpërblejë dhunën dhe injorancën me vota dhe vëmendje. Nga ana tjetër edhe media dhe opinioni, të mos e glorifikojnë konfliktin si show të bukur!
Se çfarë bëjnë banorët, është zgjedhje dhe punë e tyre për të fituar ato 100 milionësh. Problemi më shqetëson se përse kjo shoqëri shqiptare po pranon ta shohin dhe të duartrokasin këtë turp!
