Shkruan Sokol Pepushaj
Ambasada Amerikane në Tiranë, është streha e fundit e Strucit të Surreli.
Tashmë aty edhe SPAK ka filluar hetimet për pastrim të parave të korrupsionit.
I ndjekur nga rreziqet, nepërka e fisit antiamerikan, kishte arritur që pas blerjes së shefit të FBI-së Charles McGonigal, të bënte për vete edhe agjencinë federale amerikane USAID dhe fondacionin Soros.
Këto dy organizata kriminale, Babloku i strehojë aty ku askush nuk mund të dyshonte, as sot as në shekujt e të nesërmes a pasnesërmes, në selinë diplomatike, në rrugën e Elbasanit.
Puçrra sa një kokërr elbi, plasi pas pandemisë që zbuloi një pandë,
Çatia e Shtëpisë së Bardhë, nxjerr çdo minutë tym të bardhë lajmesh, se censura e deri sotme në internet, kontrolli ekonomik dhe politik mbi shoqërinë, nepotizmi deri në shërbimet e fshehta të FBI-së, CIA-s dhe diplomacisë, nuk do të kenë kurrë më mundësi, ta pengojnë zhvillimin e demokracisë dhe ndëshkimin mbarë e mbrapsht.
Po, edhe antiamerikanizmin, Edi Rama e ka veshur për së mbrapshti.
Nga pas shpinës së Ambasadës Amerikane, vazhdon gjuan ndonjë guralec në dritare të Altin Dumanit, që të mos e zërë gjumi në kopësht të Tigrit që duhet vrarë para se të kafshojë Belinda Ballukun.
Ballina e belasë është plasarirur nga përplasjet e erërave që fryjnë nga Uashingtoni në rrugën e Elbasanit, këtu ku Edi Rama, ende plehëron kakërdhi korrupsioni.
Deputeti i PD-së Saimir Korreshi, pas fitores së Donald Trump në Amerikë, denoncoi publikisht skandalin e vizave amerikane, ku Edi Rama ka investuar për të luftuar median e lirë dhe çdo ligj, duke fuqizuar krimin dhe luftën kundër Amerikës.
Deputeti i pa akuzuar nga askush e për asgjë, pedagog, njëri ndër më aktivët e të ndershmit, deklaroi se Ambasada i ka refuzuar vizën me shpjegimin idiot, se të ardhurat tuaja janë të vogla e ju mund të bëheni refugjat në Amerikë, ndërkohë që deputetë nën akuzë për miliona dollarë të vjedhur kanë viza familjare e shoqërore.
Ky është një nga mijëra raste të tilla, të denoncuara prej vitesh nga personalitete të politikës, gazetarisë dhe kulturës shqiptare, atje ku Rama dhe patronazhistët e legatës që sot lëngon, nuk kanë akses.
Aksioni sapo ka nisur.
Mafia po çmontohet dhe jo vetën ne, por edhe administrata e re në Uashington e dinë si një e një bëjnë dy, se Ambasada amerikane në Tranë, është streha e fundit e Edi Ramës.
