Ja lidhja e Ramës e Vuçiç me trafikun e drogës/ Le ta “dekorojë” Yuri Kim se vetëm qesharake po bëhet

Gazetari Rron Gjinovci komentoi në emisionin ‘A Show’ në Syri Tv nismën ‘Ballkani i Hapur’. Nëse duhet të bëjnë protesta për këtë nismë, Gjinovci u shpreh se s’kanë nevojë pasi politika e Kosovës është qartazi kundër ‘Open Balkan’.

“Na shqetëson që Rama do të krijojë marrëdhënie vëllazërore me Serbinë më shumë se me Kosovën. Po i ndan shqiptarët, po ndihemi gjithnjë e më të distancuar.”-tha Gjinovci.

Më tej ai u shpreh se prej ardhjes së Ramës në pushtet, në çdo raport të DASH shkruhet se Shqipëria është vend tranzit i drogës ndërsa shtoi se Rama dhe Vuçiç bëjnë luftë kundër Albin Kurtit prej presionit që marrin nga bandat kriminale.

Që kur ka ardhur Rama kjo situatë s’ka ndryshuar. Droga që vjen prej Shqipërisë, prej porteve duhet transportuar në vendet e Europës.

Ndërkohë ambasadorja Yuri Kim behet qesharake, kur mes hajdutesh flet për arritje te Edi Ramës, mund të themi sot ne. Është e dukshme kjo, ndaj e bëjmë si “shtojcë” të gjësë që kemi në “tepsi” të korrupsionit të lexueshëm nga kushdo.

E vetmja mënyrë për të kaluar më shpejt në Serbi e më pas në Hungari e më tej, më e lehta është përmes Kosovës që ka problem me kontrollin e kufijve në veri.

Presioni që po i bëhet Kosovës nga Rama dhe Vuçiç është presion i mafies së përbashkët që i udhëheq këta të dy.

Projekt mafioz, këta e shtyjnë përpara sepse banda që këta i përkrahin, e dimë që Vuçiç dhe Rama kanë mbështetje prej njerëzve shumë të pasur, fushatat në Shqipëri kushtojnë miliona euro.”-tha Gjinovci.