Çdo marrëveshje paqeje me Rusinë do të ishte një “kurth”, pohoi presidenti ukrainas Zelensky në një intervistë për The Guardian.
Zelensky ka promovuar një samit paqeje që Zvicra po organizon në emër të tij në mesin e qershorit. Ekziston një ndalim ligjor për çdo bisedë me Rusinë për sa kohë që presidenti Putin mbetet në pushtet.
Gjatë intervistës një orëshe, të cilën gazeta britanike e përmblodhi të premten, Zelensky përsëriti kundërshtimin e tij ndaj nënshkrimit të ndonjë traktati me Moskën, duke deklaruar se Putinit “nuk mund të besohej” që t’i përmbahej atij. Çdo marrëveshje armëppushimi do përdorej nga Rusia për t’u “forcuar në fushën e betejës”, parashikoi ai.
“Putini nuk është i çmendur. Ai është i rrezikshëm. Dhe është shumë më i frikshëm,” tha ai në një përzierje të anglishtes dhe ukrainishtes, sipas një copëze nga intervista e publikuar nga gazeta.
Rusia e ka hedhur poshtë samitin në Zvicër si një “mashtrim” që synon të manipulojë vendet asnjanëse për të mbështetur formulën e paqes të Kievit.
