Shkruan Zef Ndreka
Pasi e arriti qëllimin për përçarjen e opozitës siç deshi, Edi Rama dhe Sali Berisha edhe per pak kohë mbetën dinozauret e politikës shqiptare.
Berisha me shumicë të theksuar në opozitë, ndërsa Rama ndjehet shumë komod dhe fitues përballë non grat-ës dhe ndjekësve të tij.
Pasi i lodhi e i stërmundoi deri në fund, pasi luajti gjithë “gurët” që të jep pushteti i Kryeministrit, pasi loboi maksimalisht për ta degjeneruar PD ndërkombëtarisht, pasi ju “lut” me dhjetra e qindra herë edhe haptazi publikisht Lulzim Bashës të ngrihej nga gjumi se do e “kafshonte” pala tjetër e Foltorës, pasi i dërrmoi në garat elektorale të pushtetit lokal, pasi i uli në “gjunjë” të gjithë, Edi Rama ndryshoi taktikë: Njohu si kundërshtarë të tij politik, pikërisht grupimin rreth non grat-ës!
Rama e bëri enkas këtë njohje dhe për ti “zbutur”ngriti dy komisione parlamentare krejtësisht të pa vlera. Me këtë njohje, lojë teatrale, Rama ju minoi “revolucionin e premtuar”, nxorri jashtë loje PD-në zyrtare, dhe vazhdon i qetë betejën politike deri në fund, duke i mbajtur dy palët peng të vulës dhe të përçarë.
Nuk kishte si të ndodhte ndryshe. E mbylli Berishën në katin e tetë, mbylli komisionin për reformën zgjedhore, rikonfirmoi marrëveshjen e 2008-ës me të cilën erdhi në pushtet, duke qeverisur i qetë, por duke ju ofruar shqiptarëve vetëm skandale, korrupsion dhe lugën e zbrazët për opozitën!
– Si do e marrë pushtetin opozita?!
-Në çmënyrë do e rrezojnë Ramën?!Përse opozitarët nuk flasin asnjë fjalë të vetme për punësimin, për taksat, për investimet, për prishjen e tregjeve, për bankat, për bisnesin, për varfërinë, për projektet e zhvillimit?!
Për këto heshtin!
Përndryshe, për kullat e ngrejnë zërin!
Opozita, për asgjë nuk lëviz! Nuk dëgjohen të artikulojnë projekte serioze për prodhimin, për ekonominë. Ekonomia në krizë, ka pasuar edhe krizë e thellë në politikë.
Ndërkohë, zgjidhja më e lehtë për shqiptarët mbetet braktisja e vendit, ikja!
A do të ishte më mirë të zgjohen politikanët gjumashë, populli, shoqëria civile për ta parë më me vëmendje se përse dhe çfarë po ndodh rreth nesh!
Promoted Content
