Vlen të shihet nëse marrja e Twitter nga Elon Musk është një kërcënim për sigurinë kombëtare të SHBA-së, tha Presidenti Joe Biden në një konferencë për shtyp të mërkurën.
Ndërsa Biden diskutonte rezultatet e zgjedhjeve afatmesme, Jenny Leonard e Bloomberg e pyeti nëse ai mendonte se Musk ishte një ‘kërcënim për sigurinë kombëtare të SHBA-së’ dhe nëse qeveria federale duhet ‘të hetojë blerjen e tij të përbashkët të Twitter me qeveritë e huaja, të cilat përfshijnë sauditët’.
“Unë mendoj se, bashkëpunimi dhe ose…marrëdhëniet teknike të Elon Musk me vendet e tjera, uh, ia vlen të shikohet”, u përgjigj Biden.
“Pavarësisht nëse ai po bën apo jo ndonjë gjë të papërshtatshme, unë nuk po e sugjeroj këtë. Unë po sugjeroj se ia vlen të shikohet, dhe kjo është gjithçka që do të them.”
I pyetur ‘si mund të bëhet kjo?’ Biden qeshi dhe tha: “Ka shumë mënyra.”
Ekzekutivi i Tesla dhe SpaceX e bleu platformën e mediave sociale për një vlerë prej 44 miliardë dollarësh, duke marrë zyrtarisht detyrën më 27 tetor dhe duke pushuar mijëra punonjës.
Bloomberg ka raportuar se marrja e Twitter nga Musk u financua pjesërisht nga fondet qeveritare të Arabisë Saudite dhe Katarit, të cilat morën aksione në kompaninë e re private.
