Ambasada amerikane nuk mori pjesë në një tryezë të zhvilluar për çështjet e krimit elektoral.
Edhe pse jemi mësuar të shohim zakonisht diplomatët amerikanë në krye të këtyre tryezave, ata munguan këtë herë.
Ndërkohë, kreu i SPAK, Altin Dumani deklaroi në këtë tryezë se ka një strategji për të luftuar krimin zgjedhor.
“Askush të mos ketë frikë nëse respektohet apo nuk shkelet ligji”, tha Dumani.
Ndërkohë, ambasada e SHBA në Tiranë ka rishpërndarë postimin e Sekretarit Amerikan të Shtetit, Marco Rubio, i cili ka bërë një përmbledhje të të gjitha arritjeve të muajit të parë të administratës së Presidentit Donald Trump.
“Ne jemi një muaj në administratën e Trump, po nxjerrim rezultate dhe po avancojmë një politikë të jashtme të parë të Amerikës që synon ta bëjë vendin tonë më të sigurt, më të fortë dhe më të begatë. Dhe ne sapo kemi filluar”, thuhet në postimin e ambasadës amerikane.
