Kreu i PD, Sali Berisha do të paraqitet sot në SPAK, në orën 10:00, lidhur me kallëzimin e bërë për shpifje ndaj vajzës së tij nga gjyqtarja Irena Gjoka. Kreu i PD është thirrur nga prokurori Elvin Gokaj për t’iu përgjigjur pyetjeve mbi akuzat ndaj gjyqtares së GJKKO se ka marrë rrushfet prej 500 mijë eurosh nga një eksponent i PS-së.
Berisha duhet të shkojë SPAK ndryshe shoqërohet me detyrim. Në shkresën që mban firmën e prokurorit Elvin Gokaj, thuhet se refuzimi apo mosparaqitja e përball me penalitete të tjera sipas Kodit Penal, deri në shoqërim të detyrueshëm.
Çështja lidhet me akuzat që ka bërë vetë Berisha herë pas here ndaj magjistrates, por edhe me ato të vajzës së tij, Argita Berisha vitin e kaluar, se ajo “kishte marrë 500 mijë euro nga një eksponent i PS-së”
